عطارد خرج من الجوزاء - نشرة أخبار الكواكب

بفكركم تاني ان #عطارد هو كوكب التفكير والتواصل والاتصالات ووسايل المواصلات والصحافة وتراجعه عادة بياثر علي كل ده زي ماكتبت من اسبوع عن تراجعه في #الجوزاء ..دلوقت عطارد هيبقي متراجع في #برج_الثور وكمان محترق وده تاثيره سلبي اكتر والثور هو بيت #المال والبنوك والعملات و فلوسنا وممتلكاتنا  #عطارد هيدخله متراجع بعد ماكان موجود فيه طول شهر ابريل فعلشان تعرف تاثيره ارجع لشهر #ابريل وشوف احداثه معاك يعني لو بدات شغل ربما يظهر امر يخص الشغل ده..لو اشتريت حاجة ربما يظهر فيها مشكلة لو بدات علاقة جديدة ربما يظهر امر ما يخليك تعيد تفكير فيها

مش معني كده ان التراجع لازم يجيب امر سلبي او مشكلة بالعكس ده فرصة كبيرة الكون بيديهالك تراجع موضوع معين اخدت فيه قرار ربما وانت مش دارسه كويس

تراجع عطارد في الثور هيخلينا نراجع كل مايتعلق بامورنا المادية وطريقة صرفنا للفلوس وكتير هيقرروا يغيروا امور في طريقة شغلهم او يدوروا ع شغل تاني او ربما يظهرلهم فرص شغل كان رفضوها قبل كده

فترة تراجع عطارد عالميا ومحليا هيظهر فيها اثر واضح ع البنوك وسوق الاوراق المالية "ربنا يستر ع الجنيه والدولار" والبيتكوين  وع الاقتصاد وسوق العقارات بشكل عام فيما يخص اسعار الدهب والنفط واداء البورصات ربما يشهد تراجع جماعي او نزول في اسعار الدهب بشكل مفاجئ وزيادته تاني المهم انها هتكون فترة فيها عدم استقرار في الامور دي ومش وقت مناسب ابدااااا لشراء اي عقار او تاجيره او الانتقال من مكان لمكان ولا لتوقيع اي عقود شراكة ولا شراء موبيلات ولا عربيات ولا انك تاخد اي قرض 

ع المستوي الشخصي هتلاحظوا ان كلامكم هيبقي اقل شوية واغلب الكلام هيكون عن الشغل والظروف المادية اما الستات هيزيد كلامهم عن مواد التجميل وعملياته وربما ع السوشيال ميديا هيكون في اهتمام  واضح بده او عن عمليات تجميل فاشلة لمشاهير

اهم حاجة تاخدوا بالكم منها لحد 3 يونيو كل تحويلاتكم المالية عن طريق الموبايل او اي ابلكيشن او طريقة الكترونية تحديدا وبلاش شرا اون لاين وربما يظهر مشاكل تخص السيستم وتعطيلات عموما في الاجراءات البنكية 

 

الناس اللي خدت دور برد او التهاب في الحنجرة او اي مشكلة في الجهاز التنفسي الشهر اللي فات ربما يحصل انتكاسة خفيفة شوية وده لانكم معالجتوش ده بشكل كويس

التراجع ده هيسبب زيادة في #اعطال_النت ومشاكل الموبيلات واعطال العربيات وتشويش واضح وعدم تركيز  ولو اتعرفتم ع ناس جديدة الشهر اللي فات غالبا هيظهر امر ما يخصهم الفترة الجاية

مبحبش اتكلم ابدا عن امور الموت والحياة لكن ربما يكون في وفاة او وعكة صحية شديدة لاحد مشاهير الفن او الاعلام خلال فترة التراجع 

#نشرة_اخبار_الكواكب