قبل كل نشرة دي تاثيرات عامة بتاثر ع كل الابراج بشكل متفاوت ع حسب خريطتك الفلكية..
القمر دخل برج العذراء لمدة يومين ونص طاقة الاكتمال اللي كانت قوية جدا لسه ماثرة شوية لكن قمر العذراء هيساعدنا نرتب الفوضي واللخبطة وكل الامور اللي كسلنا واهملناها اليومين اللي فاتوا
القمر هيكون في اتصالات سلبية مع الزهرة والمريخ انتبهوا ع تحويلاتكم المالية ومصاريفكم ومنصحش خلال اليومين دول تشتروا حاجات غالية
بيزيد نشاط الهوا وانخفاض واضح في درجات الحرارة والشهر ده عموما لحد يوم 19 هيكون بارد جدا
عطارد مقترن ببلوتو والقمر تربيع المريخ وده بيزود حوادث انهيارات المباني والطرق سواء بفعل كوارث طبيعية او لاسباب تانية وتعطل اماكن حكومية وربما مشاكل تخص النت او السيستم في بعض القطاعات وزيادة لحوادث السيارات واعطالها وبرضه ممكن مشاكل وتعطيل في قطاع الطيران
قمر العذراء بيزود شوية احلامنا بالحاجات اللي بنخاف منها يعني اللي بيخاف من اماكن عالية بيحلم انه ع مكان عالي والبعض هيحلم انه مريض او شخص يعرفه مريض وكتير هيحلموا بحيوانات بتطاردهم
بيزيد احساسنا بالشك والتوتر لاقل سبب وناس كتير بتراقب او بتتراقب من اشخاص متباعدين وناس كتير اكتشفت او هتكتشف خلال الاسبوع ده امور كانت خفية عنها
اغلب ستات البيوت هيصحي عندهم رغبة في التنضيف والترتيب والغسيل استهدوا بالله علشان الجو هيقلب تراب وهوا وحاولوا تطبخوا اكل صحي وكلوا في البيت لان مشاكل المعدة واحتمالات التعرض لتسمم بسبب الرمرمة قوية خلال اليومين دول
مواليد برج الاسد اجمدوا ياوحوش عارفة انكم اكتر ناس متبهدلة الفترة دي 10 ايام وان شاء الله يخلص الحفلة الكونية عليكم اقروا سورة الشمس وده برضه لكل الابراج اللي حاسين بالضعف والاكتئاب و معندهمش رغبة لشئ
2
-2
