نشرة اخبار الكواكب - القمر داخل برج العذراء

#القمر في #العذراء  جاد وروتيني اوي بيخلي اهتمامنا كله بشغلنا او امور حياتنا اليومية ..بيخلي عندنا هوس اكتر بصحتنا واكيد كتير من امبارح بيفكروا يبدأوا ريجيم او يبطلوا سجاير ...عادة #القمر في العذراء بيبقي يوم عالمي للتنضيف والغسيل وترتيب البيت ..مش ميالين اوي للخروج ولا للرغي 

القمر تربيع الزهرة يوم فيه تقلب مزاجي واضح وبلاش اي اجراء تجميلي النهاردة ..هتبصوا في المراية هتضايقوا هتطلعوا كل العيوب اللي في شكلكم فمش مهم مرايات النهاردة 

#الشمس تسديس #زحل عادة العقود او الارتباطات اللي بتم في الوقت ده بتكون طويلة الامد ومستقرة و طاقة مفيدة لحسم المواضيع المتغلقة

#القمر تثليث #اورانوس حدس قوي جدا روحكم بتقولكم حاجات اسمعوا ليها وانتبهوا للاشارات ..الاتصال ده برضه ممكن يخلي جهاز الكتروني كان عطلان يشتغل فجاة من نفسه 

 

هتحسوا بميل للسكات اكتر ومراقبة وتحليل لتصرفات اللي حواليكم بهدوء 

#الشمس و #عطارد تربيع #بلوتو زاوية تقيلة جدا بصراحة تخلي اي مشكلة واردة مع مديرك في الشغل او مع الاهل او الزوج ..ناس تقرر تسيب شغلها فجأة ..سوء الفهم وارد جدا النهاردة والتلكيك بين الناس والشك في كل الامور 

خلي بالكم ع الطريق وحاولوا متناموش وانتوا سايقين

تجنبوا النصابين جدااااا اليومين دول موسم ليهم ..النصابين في الشغل في الفلوس في العلاقات العاطفية ..دققوا في الكلام كويس واستفيدوا من طاقة #قمر_العذراء بس بعقل وحذر وتأني

رغبة قوية كده في المراقبة ولعب دور المفتش #كرومبو بتقلبوا في اكونتات ناس وتدخلوا تشوفوا مين قال ايه وامتي  وتدخلوا تقلبوا في  الصور وانتوا ساكتين 

مش افضل يوم  للتعبير عن مشاعركم  وممكن يحصل مشاكل كتير بين المرتبطين ومع كده ممكن تجيلكم اعترافات مفاجئة او حتي عروض ارتباط

 

تجنبوا الدخول في اي جدالات ع #السوشيال_ميديا علشان في طاقة استفزاز وانتقاد وكلام جارح في الجو هتخلي المناقشات البسيطة تقلب خناقات

وقت مناسب اوي لظهور عقدك النفسية بس وقت مناسب جدا للتشافي بسبب اقتران #المشتري و #نبتون فاستغلوه انكم تواجهوا نفسكم بمشاكلكم وعيوبكم وتستغلوا طاقة التشافي الحالية 

ممكن يكون في خسارات مالية في #البورصة او سوق الاوراق المالية ع مستوي العالم واداء متباين اسهم بتطلع وتنزل بشكل غير مبرر

 

وقت مش مناسب للعمليات الجراحية او لقص الشعر

حساسية العيون ممكن تزيد اليومين دول مع مشاكل المعدة

أرق ولخبطة احلام عند البعض 

كالعادة دي طاقة عامة تاثر ع الجميع بشكل متفاوت وملهاش اي علاقة ببرجك  

#نشرة_اخبار_الكواكب