ليس يوما مناسبا للتعبير او البدأ

القمر النهاردة ولمدة يومين ونص في #برج_الجدي ..القمر مش بيكون سعيد في بيوت زحل والجدي هو بيت سئ للقمر لانه بيت جدي وعملي عكس القمر العاطفي واللي بيحكم المشاعر والعاطفة

خلينا نبدا بالاخبار الكويسة وبعد كده اعكنن عليكم براحتي..النهاردة عطارد بيتوقف في الحركة علشان يبدا يستقيم تاني من بكرة بعد تراجعه اللي استمر الاسبوعين اللي فاتوا وكان سبب مشاكل كتييييييييييير من سوء فهم وزلات لسان وتعطيلات في الاوراق و السفر والاجهزة والعربيات ده غير قلة التركيز والنسيان وامور كتير بتتعطل بسببه واثر جدا علي تواصلنا مع بعض وتحديدا لمواليد #الجوزاء و #العذراء 

نيجي للزوايا الصعبة القمر في خناقة مع نص كواكب المجموعة مع الشمس والمريخ والزهرة وعطارد..اليوم لا يصلح لاننا نبدا شئ جديد ..مش يوم مناسب للتعبير عن مشاعرنا ولا للمبادرات العاطفية ولا مبادرات الصلح ..اليوم بيغلب عليه الحدة وسوء التفاهم ..البعض ممكن يتعرض لخساير مالية صغيرة او مصروفات زايدة عن الحد

تجنبوا الدخول في اي جدال مع اي سلطة اعلي او مديرينكم او اي شخص له سلطة عليكم من اي نوع

قمر الجدي مع الزوايا دي بيخلي الناس مادية اكتر وانانية وعلشان كده متتفاجؤوش ان اغلب المشاكل خلال اليومين دول تكون بسبب امور مادية او البرود والجفاف في التعامل وان مفيش مجال للمجاملات والشغل والفلوس هما المسيطرين ع اهتمامنا بشكل واضح وعلشان كده مش وقت مناسب تطالب بحق مادي لك او تتخانقوا ع مصاريف البيت وهتحس بعدم تقدير للي بتعمله فخليك رايق واتاكد انها طاقة عابرة 

الاستفادة الوحيدة اللي ممكن نستفيدها من قمر الجدي هي التخطيط والتفكير لاي امر عايزين نفكر فيه تفكير منطقي بعيد عن المشاعر

ع المستوي الدولي..القمر هيقترن ببلوتو ومع زوايا سيئة مع غالبية الكواكب اعتقد ان ربما يكون في اخبار سلبية تتعلق بالاقتصاد او المال او احد رجال الاعمال ..مش يوم مناسب لتداولات البورصة او شرا الاسهم او العقارات..توترات سياسية بسبب اوضاع اقتصادية في احد الدول او مخالفة او الغاء اتفاقية سياسية

بيزيد مشاكل المعدة شوية والام العضم والرجلين تحديدا

اقروا طول اليومين دول سورة الغاشية والشمس بنية انكم تتجنبوا الطاقة التقيلة اللي حواليكم وتزود ثقتكم بنفسكم ..هتلاحظوا اجواء عصبية شوية في البيوت او الشغل اقروا الجاثية بنية الهدوء

#اوراد_رحاب

#نشرة_اخبار_الكواكب