#القمر لسه مكمل في #الاسد لحد الساعة 2 ونص الضهر ومن بعدها لحد واحدة صباحا فترة #خلو_مسار يعني اغلب اليوم هيكون فترة لا تصلح لبداية اي شئ جديد ..ينفع بس نكمل الحاجات اللي بداناها قبل كده..مينفعش نشتري فيه حاجة غالية ولا نوقع عقود ولا يصلح اننا نبدأ اي امر مهم ولا مستحب لقص الشعر

غير بقي خلو المسار القمر عامل خناقة مع #الشمس و #زحل و #اورانوس  و #نبتون ده يأثر علينا ازاي؟

 

ميل واضح للتهور وعدم الاحساس بالمسؤلية والكل بيدور ع مغامرة جديدة لدرجة افكار مريبة بتلعب في دماغ ناس كتير 

تجنبوا تماما اي مشاكل في البيت و الشغل لان الزوايا دي هتزود احساسانا بالاستفزاز من اقل حاجة وهتخلي اي كلمة تتحول خناقة بسبب الحساسية والايجو  الزايد

كابة زايدة وميل للانعزال وده احسن النهاردة ليكم انكم تنعزلوا شوية او تقضوا الوقت مع نفسكم  ع اد ماتقدروا

 

وارد حدوث تعطيلات من غير مناسبة لاجهزة كهربائية..تعطيلات في اعمالنا مهم النهاردة متتسرعش بانك تسيب شغلك او تستقيل تحت اي ضغط 

ووارد كمان ان ناس تتعرض للفصل من اعمالها 

 

يوم لا يصلح للشراء او البيع وتجنبوا تشتروا اي حاجة اون لاين واحتمالات تعرضكم للنصب او الخداع واردة جدا برضه

هتلاحظوا اغلب اليوم ان بيجيلكم افكار عظيمة اوي عن امور شخصية او مستقبلكم  وبعدها بشوية تلاقوا انها متنفعش او تحبطوا وتحسوا انها ولا حاجة..لاء عادي انتوا ملسعتوش ولا حاجة انتوا زي الفل

#الشمس مقترنة باورانوس والقمر في معارضته ممكن يكون في زيادة في النشاط الزلزالي في العالم او ظواهر طبيعية غريبة او غير متوقعة مثلا ووارد برضه يحصل تذبذب واضح في اداء  البورصات العالمية واسعار الدهب والنفط

ممكن اوي مزاجكم يطلب اكلات غريبة او اكلات مكلتوهاش من زمان

وزي كل نشرة دي طاقة عامة ملهاش علاقة ببرجك وبتاثر عليننا بشكل مختلف ع حسب الخريطة الفلكية لكل شخص

#نشرة_اخبار_الكواكب