اليوم يولد قمر جديد في برج السرطان - نشرة أخبار الكواكب

النهاردة بيتولد #قمر الشهر الجديد في #برج #السرطان اللي الشمس دخلته من كام يوم وهتفضل فيه لمدة شهر كامل وده هيخلي الشهر القمري كله مركز ع قضايا تخص #المرأة والاسرة والاطفال...هتزيد الزيارات العائلية وجو النوستالجيا وهنتواصل مع اصحاب كتير من ايام الطفولة او الدراسة ونحس بحنين للايام دي هتميلوا للافلام والاغاني القديمة وبيزيد احلامكم خلال اليومين دول بمدارسكم وبيوت طفولتكم وباهلكم تحديدا المتوفيين او الغايبين

بيزيد رغبتكم في الاكل وتحديدا الاكل البيتي وناس كتير هتدخل المطبخ ويعملوا فيها الشيف شربيني

#القمر في تثليث زحل وتسديس المريخ زاوية مناسبة جدا لانك ترجع تكمل مشروع او اجراء ما اتوقف او اتعطل الفترة اللي فاتت "يوم مناسب جدا لخلع الاسنان" اللي عنده مشكلة مع مدير او جهة حكومية او عسكرية او امنية النهاردة يوم مناسب لحل المشاكل او التفاوض او تقديم طلب لحد الساعة 2 الضهر 

 

من 2 ل5 العصر وقت خلو مسار اللي بنتجنب فيه نبتدي اي امر مهم او نوقع عقد او نشتري حاجة غالية ومن بعدها بيكون فترة مناسبة لكل البدايات الجديدة بنتجنب لمدة يومين اي عمليات او جراحات خاصة بالمعدة او الرحم

 

#القمر الجديد هيتولد مقترن بليليث وده كويكب شرير شوية وهو موجود حاليا بالسرطان ومستمر فيه لمدة 6 شهور كمان ولاحظتم من ابريل اللي فات كم حوادث #العنف الاسري والعنف ضد الاناث و قضايا التمييز الجنسي والخناقات ع الفيس بوك وده لان ليليث بيصحي كل الامور المخفية المرتبطة بالعقد النفسية الامور اللي بنخفيها تحت قناع الانسانية والتحضر وبما ان #السرطان بيت الاسرة والام واحداث الطفولة فطبيعي نشوف المشاكل دي واللي للاسف هتكون مستمرة بشكل واضح الشهر ده وتحديدا الاسبوع ده مع زاوية المريخ وبلوتو اللي بتدعم العنف و رغبات الانتقام الحوادث بتسمع كلمة انفجارات وحوادث لها علاقة بالنار واستخدام الالات الحادة

تجنبوا الاستفزازات والانفصالات العاطفية وراقبوا وركزوا مع اللي عندهم مشاكل ادمان او مشاكل نفسية من اهلكم او اصحابكم لانها فترة تقيلة نفسيا عليهم ..

#نشرة_اخبار_الكواكب