#القمر في الثور سعيد وجميل والنهاردة هو اللي حاجب نور الشمس وده هيكون سبب اننا نحس باننا بنراجع نفسنا ورغبة وتفكير في تغيير امور في حياتنا  والبنات حابة تعمل نيو لوك ..#الكسوف مش شر بس هو عادة بيحمل تغيير قوي في حياتك بطريقة صعبة او قوية انت في العادي مش هتاخدها لوحدك..

#الكسوف بيحصل والشمس مقترنة باورانوس كوكب المفاجات والشقلبظات في #الثور البيت اللي بيمثل اموالنا وممتلكاتنا وطفولتنا وبالتالي التغيير هيخص بشكل او اخر الامور دي وبرضه ع حسب وجود بيت #الثور في خريطتك زي ماتفقنا..ده غير انه مؤكد هيكون له اثر ع الاقتصاد العالمي وصناعات الغذاء والبورصات في العالم من النهاردة و خلال ال6 شهور الجايين

بما ان #الزهرة حاكم #الثور سعيدة في #الحوت  ومقترنة بالمشتري كوكب السعد فبنسبة كبيرة التغيير الجاي هيكون سعيد تحديدا لابراج #الثور و#الميزان ع المستوي المادي والعاطفي 

علشان تستفيدوا من طاقة #الكسوف وتفهموها ومتقلقوش منها هبسطهالك بمثال لو #الثور عندك في البيت السادس بيت الصحة ممكن يخليك تمر بازمة صحية كبيرة تكون سبب في تغيير نمط حياتك لنمط صحي تمام او لو #الثور في 11 ممكن يكون سبب قطيعة بينك وبين صديق او تكتشف خيانته وانه سبب اذي لك وبعدها هتبطل تبقي اهبل وهتركز ع نفسك وع  اهدافك اكتر وهكذا..

كتير بئالهم كام يوم بيستدعوا ذكريات قديمة اوي لو ركزتوا اغلبها من 7 سنين لان #الكسوف عامل زي الدورة الكارمية بيرجعك لنفس النقطة القديمة اللي كان فيها قبل كده وبيلفت نظركم لحاجة انتوا مصممين تغمضوا عينكم عنها

#القمر تربيع بلوتو هيزود احساس الكآبة شوية وانتوا ماشاء الله بتتلككوا اصلا  بس صدقوني المشاعر اللي هتنفجر النهاردة مهمة جدا وهتكون سبب تغيير مسار حياتكم فتعاملوا معاها بهدوء

وزي ماقلت ان #الكسوف بنتعامل معاه معاملة خلو المسار لا يصلح لشرا اي حاجة غالية او مهمة ولا توقيع عقود ولا بداية اي امر جديد ..و

رغم ان قمر الثور افضل قمر لقص الشعر او حلاقته بس مع الكسوف منصحش بده النهاردة ينفع لصبغ الشعر بس 

عادي  ان تزيد حالات التهاب الاذن والحلق و تظهر مشاكل الغدة الدرقية  اليومين دول

كونك مش عارف تمشي ع ريجيم ووزنك بيزيد من اول الشهر دي مش مشكلتك انت كويس الكواكب هي اللي عاملة عليك مؤامرة????

وزي كل نشرة دي طاقة عامة بتاثر علينا كلنا ملهاش اي علاقة ببرجك

#نشرة_اخبار_الكواكب