ناس كتير حاسة ان حياتها زي فيلم بايخ بيتكرر كل شوية بنفس التفاصيل نفس الخذلان نفس المقلب نفس التعطيل مفيش حاجة بتمشي مفيش حاجة بتتعدل مفيش حاجة بتتغير...
في قانونين في الحياة غيروا حياة ناس كتير لما فهموهم كويس ..قانون الجذب وقانون الاستحقاق
ببساطة لو انت بتتعامل مع كل حاجة في الحياة بمنطق الاحتياج والتعلق فحياتك كلها هتتعطل ..لو انت مثلا عنندك تعلق مرضي بالاشخاص متقدرش تعيش من غير وجود قصة حب في حياتك او شخص مقرب اللي هيحصل انك مش هتقابل الا الخذلان والخيانة والاشخاص غير المناسبيين طول الوقت ليه بقي ؟
لان احساسك بالتعلق والحرمان بيولد احساس داخلي بالخوف في عقلك الباطن والكون بيتعامل مع مشاعر الحرمان والخوف انها مشاعر سلبية قوية مش هتجذب لك الا كل شئ سلبي يعني بالبلدي كده "اللي بيخاف من العفريت يطلعله" اللي بيخاف من الوحدة هيبقي وحيد اللي بيخاف من الخذلان هيتخذل اللي بيخاف من الخاينين هيتخان ولو عملهم قرد...
الحل ايه بقي ؟؟ الحل ببساطة في "قانون الاستحقاق" انك تحس انك تستحق السعادة تحس بالامتنان والاكتفاء بنفسك تحس انك محور الكون لنفسك لا مستني حد ولا خايف تفقد حد انك تستحق كل الحب مش محتاج كل الحب انك كامل مش ناقص حد يكملك اول ماتبتدي تحس بالحالة دي وتشتغل ع نفسك وتهتم بيها علشان نفسك مش عشان تبهر حد عينك هتفتح ومش هتشوف الا اللي مناسب ليك هتبادل الحب بالحب والاستغناء بالاستغناء اللي هيديك ود هتديله ود وكله بالميزان لا زايد حتة تطمع اللي قصادك ولا ناقص حتة تزهق اللي قصادك بالبلدي برضه"الحاجة اللي بتبعد عنها هتجري وراك" البعد عنها معناه قطع حبل التعلق والحرمان ويحل مكانه حبل الثقة والاكتفاء والاكتمال
2
-2
