قبل كل نشرة دي طاقة يومين وتنطبق علي الجميع بشكل متفاوت حسب خريطتك الفلكية
القمر النهاردة ولمدة يومين ونص في #برج #السرطان يعني في بيته ومطرحه ..يومين قمر السرطان بيقلبوا ذكريات كل ماله علاقة بالعيلة والام واولادنا..بيزيد الاهتمام بقضايا المرأة ومشاكلها..بنشتاق لاهلنا وبيكونوا يومين عادة فيهم كسل ورغبة اكبر في الانتخة والاكل والاكل والانتخة
بتزيد الاحلام ببيوت العيلة وبيوت ومدارس طفولتنا وبالاهل والمتوفيين منهم بشكل خاص
بيزيد عند البعض مخاوف تخص الاهل او الاولاد والبعض هيسترجع ذكريات طفولته ومشاكلها وربما اللي اتعرضوا لحوادث تحرش هتنعاد لهم الذكريات وده لان القمر هيقترن بليليث وده كويكب ظلامي بيظهر مخاوفنا ومشاكلنا النفسية القديمة اقروا سورة المسد بنية نسيان اي ذكري مسببة لكم الم واقروا "النبأ "بنية التخلص من الاوهام والافكار المقلقة
القمر هيكون في تربيع مع الشمس وعطارد وده هيسبب مشاكل بسبب سوء الفهم لاننا بنكون حساسين بزيادة فحاولوا مش تتلكووا علي كل كلمة ولا تاخدوا الكلام بحساسية تحديدا مع مديرنكم او اهلكم
ممكن تحسوا برغبةفي التواصل مع ناس قرايبكم او اصدقاء من الطفولة او ممكن تقابلوهم صدفة او تلاقوهم ع السوشيال ميديا
احلامكم قوية تحديدا امبارح ورسايل واشارات بشكل واضح ..بيكون عندكم قدرة تحسوا بالاخرين بشكل قوي بتتأثروا بطاقتهم
بيزيد رغبتكم في الاكل وتحديدا الاكل الشعبي او اكلات امهاتكم ..بيويد مشاكل الجهاز الهضمي والمشاكل الخاصة بالهرمونات تحديدا عند النساء خلال اليومين دول
خلال اليومين ممكن نسمع عن خناقات بسبب قضيية تتعلق بالمراة وربما نسمع عن حادث تحرش ووارد تتجد تاني خناقة الفمينست مع الشيوخ او يتفتح تريند جديد
بتزيد اعطال العربيات والموبيلات والانترنت وربما نسمع السيستم واقع كتير النهاردة
بشكل عام طول الشهر ده فترة انفصالات عاطفية وطلاق ومنهم هيرجعوا لبعض تاني بعد اكتوبر وفيه نهايات لقصص علشان تصححوا مسار حياتكم
شهر في مصاريف كتير لامور قديمة طنشتوها او مطالبات بديون نسيتوها ..حاولوا تنظموا مصاريفكم وتعملوا حساب اي طارئ
بيظهر مشاكل او تعطيلات تخص نقل البضايع او الشحن من دول تانية برضه الفترة دي وخليكم حذرين في عمليات الشرا الاون لاين منصحش بيها لاخر سبتمبر
اليوم النهاردة وبكرة مناسبين للبيع لو عندكم حاجة مش عارفين تبيعوها من فترة وعلشان تسهلوا بيع اي شئ " رددوا الا من اتي الله بقلب سليم و يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا" الورد ده كمان حلو جدا للي عايزين وظيفة
2
-2
