الشمس خرجت من #برج_الجدي بعد ماقضيت فيه شهر كامل ودخلت النهاردة برج #الدلو علشان يبدا موسمهم. ..الدلو هو بيت هبوط الشمس يعتي بيت مش مناسب لها وده هيتاثر بيه في الاساس مواليد برج #الاسد اللي بيحكمهم الشمس ..بيكون طاقتهم مش في افضل حالاتها وتحديدا لما الشمس تقترن بزحل في فيراير بيكون اثرها سلبي نسبيا ع اصحاب السلطة والنفوذ بشكل عام 

دخول الشمس للدلو عموما موسم لطيف هياثر علينا كلنا اي كان برجك وع الرغم انه بيت هبوط الشمس لكنها عادة بتكون فترة فلترة الصحاب ...علاقات صداقة كتير بترجع تقوي خلال الشهر ده وعلاقات عاطفية كتير بتتحول لعلاقات صداقة او يحصلها نوع من الفتور لكن بشكل مش مزعج للطرفين 

من 20 يناير ولحد نهاية شهر فبراير هتكون فترة شهرة لناس كتير من خلال الانترنت وفي نفس الوقت فترة انكشاف اسرار عن مشاهير وربما تكون فترة اقالة او استقالة لاصحاب مراكز قيادية في شركات كبيرة او مواقع حكومية بارزة وده ع مستوي العالم

بنسمع اخبار كتير تخص الاقليات في العالم وربما يكون لهم مطالبات او تظاهرات في عدد من الدول خاصة المثليين لحد نهاية فبراير

وارد يحصل مشكلة تخص احد مواقع التواصل الاجتماعي اختراق او مشكلة تقنية مفاجئة او خبر سلبي يهدد  

بيكون في مناورة سلمية او تدريب عسكري مشترك او استعراض لسلاح جديد في احد الدول او تغيير قيادة عسكرية بالترقية لدرجة اعلي

خلال فترة وجود الشمس في برج الدلو وارد نسمع كتير عن اكتشافات او اختراعات جديدة او علاج جديد عادة بتكون فترة ايجابية ع المستوي البحث العلمي واكتشاف الفضاء

فترة مناسبة للناس اللي حابة تفتح حسابات جديدة ع السوشيال ميديا او تعمل اي نشاط علي وسايل التواصل الاجتماعي او الانترنت 

افضل فترة لشرا الاجهزة الكهربائية الجديدة والالكترونية وخاصة لما عطارد يدخل الدلو الاسبوع الجاي

بتلاحظوا ان بيزيد مشاكل العين سواء الجفاف او ضبابية الرؤيا خلال الفترة دي تحديدا برج الاسد والدلو ..مرضي القلب ينتبهوا خلال الشهر ده ع صحتهم