الاول لازم تعرفوا ان #المشتري بيدخل كل #برج يقضي فيه سنة بحالها وزي ماشرحتلكم قبل كده ان كل شخص عنده في خريطته الفلكية ال12 برج متوزعين بترتيب مختلف وكل برج بيمثل بيت وكل بيت بيمثل جانب من حياتك"فلوس شغل صحة حب" وهكذا

#المشتري بدخوله #الحمل خلص دورة كاملة حوالين الارض عمرها 12 سنة ..طيب السنة اللي فاتت #المشتري كان في #الحوت ليه محسناش اوي بيه ان كان كتير من #برج_الحوت استفادوا منه فعليا ..بس الحوت برج النهايات والروحانيات ملوش علاقة بالماديات واحنا بطبعنا كبني ادمين بندور ع الامور المادية ورغم ده وجود #المشتري في #الحوت كان سبب صحوات روحية لناس كتير ..بس وجوده مع نبتون كوكب الوهم والاحلام مكنش حلو اوي وبالعكس زود تعرضنا للنصب او الوهم والخداع  وزود توقعاتنا لامور اغلبها انتهت بخيبة امل واضحة لغياب الرؤية الواضحة  ده غير انه كان سبب تخلينا عن امور كتير كنا متعلقين بيها وفاكرين اننا منقدرش نعيش من غيرها وغير نظرة ناس كتير للحياة عموما نسيبنا من #الحوت ونخلينا في #مشتري #الحمل

المشتري في الحمل هيستفيد منه ال12 برج بس ع حسب وجود الحمل فين في خريطتك لو طالع #حمل او #ميزان هتستفيد منه بشكل مضاعف ولو الحمل عندك في البيت التاني هيحصل تحسن في الوضع المادي او يجيلك فلوس بشكل مفاجئ لو في السابع كتير ممكن يتجوزوا وهكذا

#المشتري كوكب الحظ بيجيب فرص حلوة بشكل مفاجئ بدايات جديدة  وهيساعدنا نخرج من العزلة والاكتئاب اللي غارقنين فيهم طول السنة اللي فاتت ..يظهر ناس تساعدك بدون مناسبة ..حد حلو يدخل حياتك يغيرها للاحسن ..تشفي من مرض بئالك فترة بتتعالج منه..المشتري في الحمل الناري طاقته قوية وحلوة هنقلق بس لما #المريخ حاكم النار والحرب يدخل بيته في #الحمل في 24 مايو هنلاحظ زيادة واضحة في الحرايق ده غير ان وارد جدا زيادة حوادث العنف في العالم وربما يحصل تطور واضح جدا في حرب روسيا اوكرانيا وربنا يسلمنا جميعا

في كل الاحوال#رحاب_منيعم انتبهوا للفرص  اللي هتجيلكم لان الفرص بتحتاج ناس تستغلها او تقدرها ممكن يعدي عليك كوكب حظ بحاله بس انت كئيب ومضلم وقاعد تندب حياتك فمتستفدش حاجة منه 

#نشرة_اخبار_الكواكب