نشرة اخبار الكواكب15 ابريل: القمر سيكتمل في الميزان وتحذيرات مهمة لجميع الابراج

#القمر في #الميزان لمدة يومين ونص وهيكتمل فيه بكرة ..وزي ماحنا عارفين ان طاقة #اكتمال_القمر بعيد عن كل الافكار الرومانسية وجمال شكله هي طاقة تقيلة جدا بتزود الوساوس و الكوابيس والصدااااااع  شوية  لكن عموما #القمر في الميزان قمر هادي ورومانسي ومسالم هيخلينا لمدة يومين بنتمتع بطاقة من السلام النفسي والداخلي ..علاقات كتير بتبدا في قمر الميزان وعلاقات كتير بترجع بعد فترة انفصال ..صلح بين متباعدين ومنفصلين..التعرف ع اصدقاء جداد ...اعترافات عاطفية ..احتمالات الوقوع في الحب من اول نظرة تحديدا لبرج #الجوزاء ..لكن برضه الناس المحبطة عاطفيا او عندهم مشاكل عاطفية  بتطلب معاهم نكد ويقضوها بوستات نكد بقي ويملوا الجو كآبة.. المهم انه وقت لطيف  لكل العلاقات العاطفية والشخصية وشركا العمل تصلحوا اي مشاكل بينكم تتفاوضوا وتوصلوا لنقطة مشتركة ..يوم كويس جدا لتسوية اي نزاع بين اتنين حتي و في مشاكل بينكم في المحاكم التسوية والودية هتكون وارد جدا النهاردة ماعدا لو انت #ميزان والطرف التاني #برج #الحمل ... رغبة قوية في شرا لبس جديد او تغيير ديكورات للبيت والحس الجمالي عالي النهاردة وبكرة  وارد برضه خلال طاقة #اكتمال_القمر ناس هتكتشف اعداء ليها غير متوقعيين او تنكشف لها اسرار كانت خفية او غايبة عنها #عطارد بدا اقترانه  باورانوس في #الثور وده هيستمر معانا لاخر الشهر وارد اي مفاجئة من اي نوع ع حسب مكان برج الثور في خريطتك الفلكية..اتصالات مفاجئة من ناس مبتتكلموش من زمان..تتعرف بناس جديدة وغريبة ..تنقلات وقرارات مفاجئة بالسفر ..ممكن مبلغ مالي يجي مفاجئة برضه ..حدوث اعطال في الاجهزة الالكتروني  وتقطع في النت ..حوادث الطرق بتكون نشطة جدا تحت الوضعية دي فنخلي بالنا اوي ..تقلبات وزيادات مفاجئة في الاسعار ..اخبار او اكتشافات علمية غريبة ..تصريحات غريبة من مشاهير او فنانين #الطاقة المسيطرة خلال اليومين اللي فاتوا ومكملة شوية عند ناس كتير هو تقليب الذكريات القديمة ومشاكل الطفولة  خاصة مع الام  والعقد والمشاكل النفسية ..كل الذكريات السلبية بترجع وبتقعدوا اوقات كتير مع نفسكم تسترجعوا الذكريات والالم القديم ..المهم طاقة الجلد والاسي ع النفس واضحة وممكن تزيد النهاردة ناس قررت تلجأ لدكاترة نفسيين..لايف كوتش..المهم ان الكل عنده رغبة حقيقية يتخلص من ده ...نصيحتي انكم تواجهوا المشاعر دي لان محاولتكم تتجاهلوها او تعدوها بتزود الوضع سوء واستفيدوا من #الطاقة الكونية للتشافي اللي موجودة انكم تتخلصوا من عقدكم وومشاكلم مع نفسكم الوقت غير مناسب لاجراء اي عملية جراحية ومش مرجحة النهاردة قص الشعر علشان #القمر في زاوية نحيسة مع #الزهرة #نشرة_اخبار_الكواكب