القمر في العقرب .. رحاب منيعم تكتب

انا عارفة ان كتير مستغربين ع رغم من الروحانية القوية لليوم وانه يوم #عرفة الا ان الطاقة فيها نوع العصبية والتوتر والوساوس وليلة مليانة كوابيس وربما نوم متقطع...ناس اتعرضت لجروح من خلال الات حادة او حروق بسيطة ..احساس بالقلق والشك من غير مبرر والعصبية والصداع طبعا

#القمر في #العقرب بيت وباله وده مكان بيصحي كل المخاوف الداخلية واحيانا بيسبب لناس الام من غير سبب في الجسم او المعدة تحديدا العصبيين او اللي عندهم ازمات نفسية ومش كده بس القمر النهاردة معارضة المريخ في الثور وده سبب صداع ومشاكل مفاجئة في الاسنان او حروق جلدية بسيطة الام في الرقبة وممكن الم في الحلق او تورم في الرقبة وطبعا اصحاب مشاكل #الغدة_الدرقية لازم يخلوا بالهم لحد الشهر الجاي.. برضه الطاقة بكرة ممكن يكون فيها قلق وناس كتير هتنام لنص اليوم علشان تتجنب تعيد ع حد او ترد ع حد وربما يحصل تعطيلات لخطط السفر للبعض ..

عطارد بدا اقترانه بالشمس او بمعني اصح يدخل تحت شعاعها وده مش حلو اوي لانه بيعطل الاتصال والتواصل شوية بين الناس يعني هتتوقعوا مكالمات مش هتيجي رسايل مش هتوصل ..مشاكل اصلا في النت والتنقلات البسيطة ...سرحان ونسيان كتير بقي داخلين عليه ومواليد #العذراء و #الجوزاء انسوهم بقي هيدخلوا قوقعتهم شوية

بقول ده ليه مش علشان اعكنن عليكم علشان اقولكم اللي هيحصل معاه ده مينزعجش دي طاقة عابرة قدرتوا تقاوموها شاطرين مقدرتوش العيديات اللي بتستقلوا دمها قادرة تغير طاقة يومكم ببساطة لان طاقة اسعاد الاخرين وتحديدا الاطفال تعدل مزاج طاقة الكون مش مزاجك انت وبس خاصة ان زحل هيكون في تثليث مع كوكب الزهرة يعني اللي هتقدمه باليمين هيرجعلك بالخير مش لازم فلوس لكن هيفرق جدا في اموركم الملخبطة..المهم متسيبوش الطاقة السخيفة دي تمنعكم تسعدوا اللي حواليكم علشان حالكم المايل يتعدل

#نشرة_اخبار_الكواكب