رغم ان الكل بيحاول يجري ينجز اللي وراه بعد اسبوع العيد لكن في نفس الوقت المود قافل والشعور بالاجهاد  والكسل مسيطر بسبب تربيع الشمس لزحل  اللي مكمل معانا لاخر الاسبوع وزي ماقلتلكم انها زاوية تقيلة جدا بتأثر سلبا ع الطاقة العامة  وخلي بالكم من ادوار البرد هتزيد جدا الفترة دي

 

مع تراجع #بلوتو اللي هيستمر لشهر #اكتوبر  هتلاحظوا زيادة حوادث العنف والتحرش ..زيادة  حالات الانفصال والطلاق وده بيكون لتصحيح وضع مزيف او غلط يعني مش اي اتنين متجوزين بيطلقوا لكن بيهدم الجوازات الضعيفة والمزيفة...في نفس الوقت وارد جدا تلاقوا ناس تانية رجعت لبعض ..يعني التراجع مش دايما سئ هو بيجي يهدم بعنف بس كل الامور الضعيفة والزايفة ..او يظهرلكم حقايق غايبة عنكم لفترة طويلة 

 

مع وجود #عطارد في #الجوزاء اللي هيبدا تراجعه يوم 10 مايو ملاحظين طبعا زيادة جو النميمة والاشاعات والرغي   والفضفضة الزايدة..فحاولوا تتجنبوا انكم تسحلوا نفسكم في الطاقة دي علشان لما عطارد يبدا تراجعه بيكون فيه جزء كارمي شوية والكلام اللي بترغوا بيه دلوقت في الفاضي والمليان من غير وعي ممكن يزعلكم وتندموا عليه 

 

#الشمس مقترنة باورانوس الزاوية دي من الاسبوع اللي فات ومكملة الاسبوع ده وزي ماقلت بنشوف بسببها هزات اقتصادية او قرارات تخص الاقتصاد في العالم كله وتذبذب قوي في سوق الدهب والعقارات والبورصات 

برضه الزاوية دي بتجيب احيانا مفاجات حلوة  او رجوع فلوس لك بشكل غير متوقع

#القمر تربيع #اورانوس ممكن يسبب مصاريف مفاجئة او تصرفوا فلوسكم ع حاجات غريبة او ملهاش لازمة ...احلام ملخبطة ونوم مقطع ..سفر من غير تخطيط للبعض منكم.. وارد يحصل اعطال في الاجهزة الكهربائية والالكترونية من غير مناسبة

توقيت كويس لقص وصبغ الشعر

غير مناسب لاي عمليات جراحية

مرضي الضغط العالي والقلب ومشاكل الدورة الدموية  يخلوا بالهم 

وزي كل نشرة دي طاقة عامة بتأثر ع الجميع بشكل متفاوت وملهاش علاقة ببرج حضرتك

#نشرة_اخبار_الكواكب