نشرة اخبار الكواكب 21 ابريل:القمر في الجدي و شعور عام بالكسل والارهاق

برج الجدي هو وبال القمر يعني بيت القمر مبيكونش مبسوط فيه لانه عكس طبيعته القمر خاص بمشاعرنا وعواطفنا ولما بيدخل برج الجدي بطبيعته الجادة والباردة بيتخنق ويخنقنا معاه بس عموما هو بيكون في حظوظ كويسة للترابيين تحديدا لبرج #العذراء و #الثور

اهتمامنا هيكون بشغلنا او اعمالنا اليومية ..جو عملي جاد واضح ع تصرفات الكل واهتمام بمصروفاتنا وتنظيم امورنا المادية هنحس بقلق زايد ع شكلنا قصاد الناس و شك في قدراتنا وثقتنا في نفسنا بس ده تاثير #قمر #الجدي احنا زي الفل

#الطاقة تقيلة واحساس عام بالكسل والخمول وكتير عندهم احساس بتكسير في العضم كأنهم اخدين دور برد..هتلاحظوا اليومين دول تأخير في مواعيدكم دايما  وبتصحوا متأخر ومفيش حاجة ميعادها بيضبط وده تاثير تربيع #عطارد مع #زحل وزي ماقلت ممكن تزيد اعطال العربيات وتاخير #المواصلات ومهم جدا تراجعوا رسايلكم وايميلاتكم ومعاملتكم المالية اكتر من مرة  

 #القمر تربيع #المشتري وتحديدا مع وجود #الزهرة في #الحوت هيخلي عندكم رغبة اكتر في الاكل وتحديدا الحلويات ..رغبة كبيرة في الشرا لكنه مش وقت  مناسب لده خالص و #قمر  #الجدي واقفلكم بالعصايا ..

النهاردة يفضل البيع اكتر من الشرا لو عندكم حاجة عايزين تبيعوها وتحديدا العقارات

#القمر تربيع #نبتون تجنبوا  الناس اللي طاقتها سلبية او الاخبار المزعجة ركزوا في الكلام اللي بيتقال لكم علشان في طاقة اشاعات وكدب بترفرف في الاجواء ومتخلوش حد يبيعلوكم الهوا في ازايز ومتشتروش حاجات اون لاين اليومين دول اغلبها هتطلع مضروبة او تتعرضوا للنصب 

بدخول #ليليث في #السرطان  واللي هيستمر 9 شهور  المشاكل هتزيد تحديدا مع العيلة او المشاكل اللي  كانت بسبب مشاكل في طفولتكم ..هنلاحظ زيادة واضحة في جرايم #العنف_الاسري وتخلي الاهل عن اولادهم ومواجهات مستمرة بين الاولاد واهلهم ..اهمية الزاوية دي رغم انها مش لطيفة انها هتخلصكم من مشاكل كتير من طفولتكم وهتخليكم تواجهوا بكلام حابسينه جواكم اغلب عمركم وكان مسبب اذي نفسي وكلاكيع كتير

#الوقت مناسب للعمليات الجراحية بس بعيد عن اي حاجة تخص العمود الفقري او الجلد

مش وقت لطيف للعلاقات العاطفية برغم  مشاعر الاحتياج العاطفي الزايد اللي ممكن يخلي ناس تقع علاقات فاشلة او اشخاص غير سوية نفسيا

 

ممكن تلاحظوا زيادة في الحساسية الجلدية والام العظام اليومن الجاييين

وطبعا زي كل نشرة دي طاقة عامة ملهاش اي علاقة ببرج حضرتك

#نشرة_اخبار_الكواكب