خلال الاسبوع ده ولحد يوم السبت ناس كتير هتلاحظ انها بتكهرب او بتتكهرب كتير تسع اسمها بيتنده ومتلاقيش حد تحس ان في حد موجود رغم انها لوحدها ...عادي جدا قمر العقرب هو بوابة العالم السفلي فجيرانا بيكونوا نشطين زيادة وده مش وحش ابدا لانه هيكون طاقة قوية تسمحلكم تتخلصوا من اي عارض روحي سواء مس او حسد او سحر بانكم تقروا سورة الصافات واية الكرسي ولو قدرتوا تاخدوا شاور بمية وملح او تملوا بانيو مية وملح خشن تحديدا"بس مطولوش مش بنعمل فسيخ احنا" هيفرق معاكم جدا سواء ع المستوي النفسي او الروحي او حتي تحطوا رجلكم في مية وملح 

متولعوش شمع متشحنوش احجار الطاقة سلبية ابعدوا عن نور القمر المباشر مش وقت رومانسية تحت القمر يافوزية

اغلب الاحلام كوابيس وهيكون فيها موت ودم او امور بتخافوا منها زي بتقعوا من مكان عالي او بيهاجكم كائن مجهول كلها مجرد هواجس وملهاش اي تفسير الا لو كان في تحذير قوي و بشكل مباشر في الحلم من شخص او شئ معين اعتبره رسالة واللي هيحلم انه قرا ايه او سورة في حلم خلال اليومين دول يصحي يقراهم ويحمد ربنا ويقعد ساكت مش لازم يروح يسأل طوب الارض اعتبرها هدية ونعمة واستبشر خير