تراجع عطارد و اهم التحذيرات

اولا كوكب #عطارد ده بيمثل تفكيرنا وتواصلنا مع الاخرين ووسائل النقل والموصلات والصحافة والاعلام وبالتالي دي الجوانب اللي هتتاثر بتراجع عطارد اللي هيستمر لحد 3 يونيو وهيبدأ في #برج_الجوزاء ويدخل متراجع لبرج #الثور وبعدين يتعدل تاني من 3 يونيو..طيب ده تاثيره ايه علينا؟

اولا هنلاحظ طول فترة التراجع تشويش واضح في التفكير ونسيان وتاخير في المواعيد سواء موظفين عن اشغالهم او رحلات الطيران والقطارات في العالم كله وبيقل رغبة ناس كتير في التواصل والكلام عموما

بيزيد المشاكل اللي تخص الصحفيين والاعلاميين وممكن تظهر فضايح لمشاهير منهم او زلات لسان تحطهم في مشاكل وبيزيد نسب تعرضهم لحوادث 

طول فترة #تراجع_عطارد احذروا تماما البدء في اي شئ جديد بتكملوا القديم بس سواء شغل او مشروع 

وقت غير مناسب لتوقيع اي عقود  جديدة مهمة ولا قروض وبتكتشفوا مشاكل كبيرة بسببها بعد كده 

وقت لا يصلح ابدا لشراء موبايل او عربية جديدة

وقت غير مناسب للسفر لاي مكان جديد يعني الناس اللي بتسافر بسبب شغلها بشكل مستمر عادي لكن #سفر لمكان جديد بلاش

وقت لا يصلح لتاجير او شراء او  نقل من بيت لبيت 

راجعوا اكتر من مرة رسايلكم وايميلاتكم واي ورقة في شغلكم وفواتيركم وتعاملاتكم المالية  طول فترة تراجع #عطارد

بيزيد مشاكل #الانترنت وسرعته واعطال مفاجئة في الموبيلات والكمبيوترات والسيستم واقع دي هتسمعوها كتير 

اللي عندهم اولاد بيمتحنوا بالراحة عليهم مشاكل الاستيعاب دي ظرف كوني فأكدوا عليهم يراجعوا اكتر من مرة

بيزيد بشكل واضح مشاكل الجهاز التنفسي والهضمي وادوار البرد ويمكن نشوف ريمونتادا لكورونا او دور برد غبي

حافظوا ع مقتنياتكم الغالية بيزيد شوية السرقة والنصب خلال الفترة دي وتحديدا الاون لاين 

بيزيد حوادث الطرق واعطال العربيات فنخلي بالنا اوي 

بيرجع ناس كتير لحياتنا بئالنا فترة متواصلناش معاهم وعادة بيختفوا تاني بعد انتهاء التراجع فمتتعشموش اوي

الكل بيتأثر بتراجع #عطارد طبعا كتر المتأثرين عموما بيكونوا طوالع وشمسي #الجوزاء و #العذراء لان عطارد حاكمهم وطبعا علشان تعريف تاثير التراجع عندك هيكون في اي مكان في حياتك هتشوف مكان برج #الجوزاء في خريطتك

#رحاب_منيعم

اي شخص بيشكك في تاثير الكواكب يقدر بمنتهي البساطة يتابع فترة تراجع #عطارد ويشوف التاثيرات دي بتكون زايدة وواضحة ازاي 

 

#نشرة_اخبار_الكواكب