القمر اليوم ولمدة يومين ونص في برج # الدلو بعد ما خرج من # الجدي اللي كان فيهم احساس بالتفكير بشكل عملي واضح ومشاعرنا كانت جوه ديب فريز ..
القمر في # الدلو هتحسوا انكم محتاجين تخرجوا وتقابلوا اصحابكم .. هتحسوا برغبة في التحرر والتغيير في حياتكم .. هتحسوا بإهتمام اكتر بقضايا الرأي العام .. وتنفعلوا مع اي قضية انسانيا ..
القمر في # الدلو قمر عملي والعواطف عنده مش احسن حاجة لكنه قمر ايجابي شوية واجتماعي .. لكنه دايما بيخلي عندنا احساس اننا مش مفهومين وبيزود الاحساس بالانانية يعني مشاعرك مقدمة على مشاعر غيرك ..
القمر عامل زوايا سعيدة مع الشمس ودة بيخلي التواصل والعلاقات اسهل بيخلينا نعبر عن نفسنا احسن وبيصلح شوية الخناقات او البرود اللي حصل اليومين اللي فاتوا .. وكمان بيخليكم شاطرين في شغلكم وممكن تسمعوا كمان كلام وتقدير كويس من مديرينكم ..
التفكير والابداع كويسين برضه اليومين دول لو بتحاولوا تطلعوا بفكرة برة الصندوق ..
القمر مربع # اوراونس الزاوية دي مقلقة شوية بتخلينا نتصرف بعنف او تهور فجأة من غير مناسبة .. علاقتنا تبقي متهورة خاصة مع اقتران الزهرة بالمريخ وعلشان كده زي ما قولتلكم امبارح علاقات كتير بتنتهي الفترة دي من غير سبب ومش هيفضل ويكمل الا العلاقات الحقيقية ..
الزاوية دي برضه ممكن تسبب عنف او حوادث مفاجئة .. وممكن تغيير في الاسعار بشكل مفاجئ ولها تاثير علي النشاط الزلزالي في العالم ..
الاعتدال الربيعي بيعمل تغيرات كبيرة في جسمنا وناس بتحس بهمدان وتقل في جسمها تحديدا من الاسبوع اللي فات والتركيز بيكون ضعيف بالنهار لكنه بيكون احسن بالليل .. وعلشان كده لازم تشربوا ماية كتيييير ..
الطاقة العامة من فترة موجهة كلها لنفسنا يعني احنا محور اهتمامنا وبنحاول ندور على راحتنا احنا بس ولو على حساب الاخر ..
اغلبنا بيحاول يدور على طرق يتعافي بيها من جراح الماضي .. في ناس قررت تبدأ علاج نفسي او بتفكر في علاج نفسي .. ناس بتسيرش ع النت على حاجات مكانوش بيصدقوا فيها قبل كدة زي التأمل والتشافي بالطاقة مثلا .. والغريب انكم بقيتوا منفتحين على دة اكتر !!
ناس كتير حاسة بأن في شئ جواهم بيتغير واحساس بالقلق والتوتر بس مش عارفين تحددوا سبب معين لدة .. أيا ان كان الطريق اللي بدأتوه مع نفسكم كملوه ومتخافوش انكم لوحدكم ولا ان الناس بتختفي من حواليكم من غير مناسبة ومتقلقوش من التغيير اللي بيحصلكم ولا من وحدتكم وعزلتكم واحساسكم ان الكون كله بيجري في اتجاه وانتوا في اتجاه تاني .
هند حمدي عبد الكريم السيد
نجلاء محمود عبد الرحمن عوض البحيري
مي ابراهيم محمد القاضي
أيمن موسي أحمد موسي
ياسر محمود سلمي
كريمان محمد عبد السلام عفيفي
د. زينب عبد السلام محمد أبو الفضل 
د. سمير عبد الله حماد
د. محمد محسن ابو النور 
نسمة عبد العظيم تليمه
د. نهله عبد الحكم احمد عبد الباقي 
د. عبد الوهاب المتولي بدر 
حنان صلاح الدين محمد أبو العنين 
زينب حمدي 
د. محمد عبد الوهاب المتولي بدر 
د. شيماء أحمد عمارة 
فيروز أكرم القطلبي 
د. نهى فؤاد محمد رشاد 
3
-2
