معلش ياجماعة علشان مش عايزة ابوظ لبتوع جروبات وصفحات #الطاقة و #الوعي الروحي سبوبة تأمل خسوف القمر ..بس #خسوف_القمر طاقة شديدة السلبية لاتصلح للتامل تحت نوره المباشر ..خسوف القمر هيكون في العقرب في بيت وباله وبيت نحسه وبيت يجذب كل طاقة سلبية وظلامية في الارض فمعلش لما نيجي نحدد يوم للتامل تحت ضوء #القمر بربع جنيه شوية قراية او فهم للظاهرة الله يخربيت الساعة اللي بدعوا فيها الجروبات دي اللي خلت اي واحد معدي يهبد باسم الطاقة والروح ويبوظ دماغ الناس ونفسيتهم اكتر ماهي بايظة
اللي بيمارس علاج بالطاقة او اي ممارسة روحية لازم يكون عنده حد ادني من المعرفة بالعلوم التانية المتصلة بالكون واهمها الفلك ومتروحش تنقل من اي خبير هندي لانهم عقائديا مختلفين تماما عنا وده انعكس ع ممارستهم ولا اي شهادة اون لاين بتخلي شخص خبير
حابب تتأمل اتأمل في مكان طاهر نظيف طاقيا ومن غير شمع ولا بخور علشان انت مبتحضرش عفاريت والله وتأمل في هدوء وبس وبالصلاة والدعاء زي مااوصي النبي عليه السلام
انا شفت ناس حياتها اتبهدلت وعقلها سافر وبقت منفصلة تماما عن الحياة وعندهم اوهام وهواجس عن نفسهم وعن المحيطين تحزن والله بسبب العته الغير مدروس ده
2
-2
