قبل النشرة اهو دي طاقة عامة ملهاش علاقة ببرجك بتأثر ع الجميع بشكل متفاوت
النهاردة من الساعة 6 صباحا لحد الساعة 2 الضهر بتوقيت #القاهرة فترة خلو مسار للقمر لا تصلح لبداية اي شئ جديد بنكمل بس الامور الروتينية العادية..لا تصلح لتوقيع عقود...ولا شرا اي حاجات مهمة او غالية ولا لقص الشعر ولا لاصلاح او صيانة الاجهزة الكهربية او العربيات هتلاحظوا انها فترة تقيلة بتتحرك ببطء والامور بتنجز بالعافية او بتتعطل
من بعد 2 الضهر هيتغير الوضع القمر هيدخل #برج #الجدي هتلاحظوا جدية كبيرة في تعاملاتنا ...تركيزنا كله علي الشغل وانجاز الامور المتأخرة وترتيب لخبطة الايام اللي فاتت والامور هتتحرك اسرع من نص اليوم الاولاني
#القمر هيكون في معارضة #ليليث الموجود في #السرطان ربما يقلب ذكريات الطفولة او يتسبب في مشاكل مع اهلكم وتحديدا امهاتكم او اولادكم وربما احلام سيئة تخصهم..ممكن تظهر الالام عند السيدات في منطقة الصدر او اي اعراض تقلقكم ياريت تاخدوها بجدية وتراجعوا دكاترة..بيزيد ادوار البرد ومشاكل الرئة وتحديدا عند #المدخنين
#القمر في تربيع مع #المريخ بيزود عصبيتكم بشكل واضح واي استفزاز بسيط هيتطور لعنف لفظي وجسدي كمان فتجنبوا ده ..نوم متقلب ومش مريح ..اي حد بيعاني من اي الم هيحس انه كان زايد شوية ليلة امبارح والنهاردة..بيزيد فرص التعرض للنزيف من اي جرح ..وبيزود طاقة حوادث العنف والطرق تحديدا مع #تراجع_عطارد
#القمر في تربيع #نبتون هتحسوا بضعف فاعلية الادوية عليكم شوية يعني لو خدت مسكن الم هتحس انه ملوش اي فاعلية فبلاش تتعاملوا مع الدوا ع انه لب..اوهام وهواجس كتير هتلعب بدماغكم واحساس بالمظلومية وانكم ضحايا او احساس بان مفيش حد فاهمكم وان الدنيا جاية عليكم اوي وهيزيد لجؤكم لادوية الاكتئاب او #التدخين او اي شئ بتدمنوه عموما
#نشرة_اخبار_الكواكب
2
-2
