قبل كل نشرة دي طاقة عامة تنطبق علي جميع الابراج بشكل متفاوت حسب خريطتك الفلكية
من 12 ل2 ونص الضهر النهاردة فترة #خلو_مسار و مش بتكون مناسبة لاننا نبدأ اي حاجة جديدة او مهمة..لتوقيع عقود.. او شراء اي شئ مهم او غالي..واكيد مش مناسب لقص الشعر او اي اجراء جراحي مع معارضة القمر لزحل النهاردة بتحسوا بتعطيل في الامور شوية...اليوم بيمر بطئ ..مودكم مش احسن حاجة ..حاسين بالام في الجسم وصاحيين مرهقين
من نص التاني من اليوم من بعد العصر القمر هيدخل #برج #العذراء وهيفضل فيه يومين ونص هتحسوا انكم وراكم حاجات كتير ومكسلين تعملوها ..ستات البيوت تحديدا هتحس فجأة ان في حاجات كتير في البيت عايزة تتعمل و في شغلكم هتبدوا تدوروا ع الحاجات اللي طنشتوها اليومين اللي فاتوا ...مع #قمر #العذراء هتلاحظوا دايما انكم بتاخدوا بالكم بزيادة من التراب في اي مكان والحاجة مش في مكانها او مش معدولة حتي لو ده عكس طبيعتكم
كتير هيبداوا يفكروا يعملوا دايت او يقرروا يبداوا نظام صحي ..ناس هتفكر تعمل عمليات تجميل او تروح جيم او يبطلوا تدخين وناس تانية هتقرر تشتري حيوان اليف تربيه...وناس تانية هيبقي عندها احساس مفاجئ بالقلق ع صحتها
الشمس لسه تربيع المشتري مزودة الخناقات ع السوشيال ميديا تحديدا علي اساس عقائدي او عنصري وبرضه بتزود شوية مشاكل مع اي حد له سلطة عليك
المريخ وبلوتو برضه لسه مستمرين في زاويتهم اللي مسببة زيادة احداث العنف والانتحار ونخلي بالنا من النار والالات الحادة
#عطارد لسه تربيع# نبتون ونبتون بدا تراجعه النهاردة ..ربما تزيد حالات التعرض للغرق و حوادث تخص البحر وبيزيد جدا السرحان وعدم التركيز وحوادث النصب والاحتيال تحديدا الالكتروني لكن الكويس في الموضوع ان اغلبهم هيتقبض عليهم وهتسمعوا الفترة الجاية كتير عن القبض علي نصابين او قضايا مخدرات كبيرة
احلامكم مرتبطة بامور واشخاص كتير في الماضي وبتستغربوا من ده الاحلام فيها اشارات قوية وربما امور خاصة بالا وعي او عقلك الباطن بيحاول ينبهك ليها متهملوش الاحلام ومعانيها
#نشرة_اخبار_الكواكب
2
-2
