فكرة ان كل احساس سلبي بنحسه وكل تجربة سيئة بنرميها في الاوعي حولته لصندوق بندورا اللي هينفجر في وشكم في اي لحظة ...واجهوا مشاكلكم اعترفوا بعيوبكم اعترفوا انكم مش الضحية في كل القصص اعترفوا انكم خسرتوا معارك لانكم كنتم جبنا مش علشان كل اللي حواليكم اشرار..اعترفوا انكم اتخانتم من اعز واقرب الناس ليكم لانكم اختارتوا غلط وهنتم نفسكم بالاستمرار والتعلق المذل..وان احيانا بتتباعوا لانكم تستاهلوا البيع..احيانا بتخسروا لانكم تستاهلوا الخسارة..اعترفوا انكم بتفشلوا احيانا لانكم مش اد التحدي او قدراتكم مش احسن حاجة مش علشان كل منافسينكم وصلوا بطرق شريرة..اعترفوا انكم مش احسن حاجة ولا الفرصة اللي متتعوضش ولا قلبكم ابيض صافي وان حظكم وحش مش عشان طيبيين وغلابة لكن ساعات كتير علشان نفوسكم وحشة وانكم اسوأ من اللي بتكرهوهم.. اعترفوا انكم بني ادمين بتغلط وبتصحح بتقع وتقف بتتعلم كل يوم درس ..

ولما تفرحوا افرحوا  اوي اضحكوا واقعوا ع الارض من الضحك ومتخافوش ربنا مش هيعاقبكم ع الفرحة ولا المصايب لابدة لكم في الدرة مستنياكم تضحكوا ..اضحكوا بسبب ومن غير سبب علشان مفيش قلة ادب اد التكشيرة اللي ع وشكم..اضحكوا واتلككوا للضحك وحتي لو الضحك ع نكتة تافهة..

#تنمية_بشرية