من تحليل الخرائط .. مشاكل الاشخاص من الداخل

من تحليلي للخرايط اكتشفت ان الاغلبية سبب مشاكلها جواها مش من بره..يعني الخريطة بتحكي بالتفصيل الممل جانب الحظ والجانب الصعب في حياة كل شخص ومفيش شخص اخد حظ في شئ الا قصاده تمن صعب لازم يدفعه.. يعني لو ناجح في الشغل بتاخد شوية من حظوظ الصحة ..لو سعيد عاطفيا ممكن حظوظه في الصداقة قليلة...لو ذكي بزيادة حظوظه متكونش احسن حاجة في العاطفة ...المهم انها ارزاق متقسمة بالميزان لكن الناس بتركز دايما ع الحظ الناقص في حياتهم كلها بتركز ع البيت اللي مش محظوظ ويسيب11 بيت كاملين بحظوظهم وفرصهم مديلهم ضهره وقالب حياته نكد و شكوي ليل نهار ومن هنا بيجي درس #زحل يدخل بيت عندك يرشق فيه سنتين ونص يضربلك بيه حياتك ولو داشا او عودة زحل يعني مابين عمر 28 ل32 او 39 ل42 بتحس ان في عفريت لبس حياتك وكلها مفيهاش حاجة ماشية وده علشان نتربي ونبص علي الحاجات اللي ربنا ادهالنا ومكناش حاسين بقيمتها الا لما اتطفت وعطلت

الشكوي طول الوقت وكلمة انا حياتي كلها منحسة ومتعطلة اسوأ كارما ممكن تحط نفسك فيها لان مفيش بني ادم ابوابه كلها بتقفل دايما في باب مفتوح واهمهم باب الروح انك ترجع لربنا وتقوله انا غبي ودماغي سايقاني وغروري قافل عيني عن كل نعمك وخلاني اتشعبط في ابواب مبتتفتحش رغم كل اشاراتك فدبرهالي يارب

#اعتبروها_تنمية_بشرية