عادة بتجنب اكتب النشرة لما بتكون في طاقة سلبية واضحة بس بما ان الوضع واضح اوي والطاقة هتكون اكتر حدة فهشرحلكم بالتفصيل الزوايا الفلكية اللي مسيطرة اليومين دول واللي ممكن تزيد خلال اليومين الجايين
مبدئيا #القمر النهاردة دخل #برج #الحمل لمدة يومين ونص والحمل حاليا مشحون بطاقة حاكمه المريخ كوكب النار والالالات الحادة والعنف والاسلحة المقترن بالمشتري اللي بيضخم اي طاقة وده من اول مايو ومستمر لاول يوليو وسبق حذرت من العنف الي بيزيد خلال الفترة دي
#القمر في #الحمل هيسبب توتر واضح و عصبية ع اقل الاسباب وبيخلي المشاعر فيها حدة يعني الغيرة والحساسية الزايدة والايجو العالي هيكونوا واضحين جدا في تعاملات الناس
القمر مقترن بنبتون كوكب الاوهام والخيال والشمس مقترنة بليليث كوكب الحرمان والمخاوف الداخلية ووجوده حاليا في السرطان يسبب ظهور مشاكل لها علاقة بالانتماء والهوية والتعلق العاطفي اللي يصل لحد الهوس ومشاكل الطفولة ومع الام تحديدا فطبيعي جدا الزاوية دي تاثر ع الحالة النفسية وتزود الاوهام والوساوس والمخاوف بتزود حالات الانتحار واللجوء للمخدرات بتخلي اي فكرة شريرة في دماغك قابلة تتحول لفعل وبيزيد الرغبة في الانتقام تحديدا مع وجود طاقة المريخ
الشمس المشحونة بكل طاقات الوهم والايجو العالي في زاوية نحيسة مع القمر المشحون بطاقة الخيالات والغرور والانانية بسبب وجوده في بيت المريخ واتصاله بيه هيخلي اليومين الجايين محتاجين هدوء مننا ونتجنب اي مشاحنات من اي نوع مع رؤساء العمل ومع الاهل والمشاكل الزوجية وع #مواقع_التواصل وتجنبوا الانفصالات العاطفية في وجود الطاقة دي لان ردود الافعال غالبا هتبقي حادة
الزهرة تربيع زحل من الاسبوع اللي فات ومكملة لحد يوم 25 وشرحت عنها قبل كده انها بتاثر سلبا جدا ع الحياة العاطفية والمالية والبنوك والعقارات بشكل خاص
خلي بالكم وانتوا سايقيين لان الطاقة دي بتزود التهور والعصبية والرغبة في التسابق وكله بيجري
بيزيد #الصداع ومشاكل الاسنان شوية اليومين دول وخلي بالكم من حوادث النار والالات الحادة في المطبخ تحديدا
#نشرة_اخبار_الكواكب
2
-2
