#القمر في #الحمل بينشط طاقتنا الجسدية وبتلاحظوا النهاردة الامور بتتحرك بسرعة شوية واليوم ساعاته سريعة ..وهتحسوا الكل بيجري ومستعجل فخلي بالكم تحديدا وانتوا سايقين 

هتلاحظوا ان نومكم متقطع وبتناموا ساعات قليلة بس بتصحوا فايقين وتيجوا نص اليوم عايزين تناموا تاني وحاجة اخر ضياع

القمر في #الحمل مقترن بالمريخ والمشتري يومين يحملوا فرص كتير ومبادرات مفاجئة وربما حظوظ مالية وبدايات جديدة تحديدا لاصحاب المثلثة النارية ..بس برضه بيزيد التهور والمشادات بين الناس و حوادث الطرق لكن ممكن اجتنابه ببساطة لو كل واحد قفل بؤه وفكر في الكلام مرتين قبل مايقوله خاصة مع احتراق #عطارد المتراجع اللي مخلي اغلب الخناقات والمشاكل بسبب سوء الفهم او زلات اللسان وسرعة الانفعال..احذروا بس نفسكم المفتوحة للاكل بزيادة اليومين دول

مع وجود هيمنة الكواكب دي في #الحمل لازم تخلوا بالكم من النار والالات الحادة والاسلحة 

وجود #الكواكب دي كلها مع #كايرون في الحمل بيدعم جدا التشافي من مشاكل الطفولة ..استغلوا الطاقة دي تتعافوا نفسيا وناس كتير فعلا بتتخلص او بتواجه نفسها بعقد نفسية وده هيفرق معاها كتير الفترة الجاية من حياتها

مع اقتران المريخ ونبتون والمشتري ربما يزيد انتشار اوبئة جديدة وتزيد تنقلها من دولة لدولة

#الشمس في تسديس مع #القمر مناسبة للصلح بين المتخاصمين ..ناس كتير اتباعدت الفترة اللي فاتت بسبب كلام بايخ او من غير قصد وارد يرجعوا يتكلموا تاني بس اجتنبوا العتاب علشان العصبية زايدة الفترة دي 

تاني وتالت لحد 3 يونيو راجعوا كل ايميلاتكم وتعاملاتكم المالية وكل ورقة او رسالة ووقت غير مناسب لتوقيع عقود مهمة

الزوايا الفلكية كلها بتدعم رجوع اشخاص من الماض وتقليب الذكريات القديمة وربما فرص قديمة تقرروا ترجعوا تفكروا فيها تاني تحديدا في الشغل والامور المادية ..وناس تانية ممكن يرجعلها حقوق اتاخدت منها او يعرفوا اخبار عن ناس ظلمتهم يحسوا ان ربنا خد لهم حقهم 

#نشرة_اخبار_الكواكب