القمر لمدة يومين و نصف في العذراء - نشرة أخبار الكواكب

#القمر النهاردة ولمدة يومين ونص في #العذراء و ده بيخلي اهتمامنا كله يتركز ع شغلنا وامورنا المتعطلة وكل الامور اللي مكسلين نعملها الفترة اللي فاتت هترجع تقعدلنا بقي

#قمر_العذراء بيسبب زيادة الهوس بالتنظيم والترتيب والتنضيف وعلشان كده عادة بيكونوا يومين عالميين للغسيل وتنضيف البيت والعربية والمكتب وترتيب ورمي الكراكيب

#القمر في #العذراء عملي جدا وبيخلي تركيزنا اكتر ع شغلنا وامورنا الخاصة وصحتنا ..كتير هيقرروا اليومين دول يبطلوا #سجاير ..يروحوا #جيم .. يبداوا #دايت او يغيروا شكلهم هتحسوا بعدم رضا عن شكلكم ووزنكم فنصيحة متبصوش لمرايات انتوا فلة

#القمر في معارضة #زحل المتراجع زاوية تقيلة جدا هتحسسكم شوية بالاكتئاب والافكار التشاؤمية وكسل واضح واحساس بتأنيب الضمير ع امور تافهة او كبيرة ممكن تكون حصلت معاكم من 20 سنة..جو تأنيب ضمير واسترجاع للغلطات فياريت تستغلوه تصلحوا اللي تقدروا عليه لان الفترة كارمية جدا ورجوعلكم الاحساس بالذنب ع امور معينة مش من باب الصدفة دي اشارة ليك ع الامور اللي معطلة حياتك من غير ماتحس..مشاكل كتير من الماضي هترجع تتجدد الفترة دي علشان تخلصوا منها نهائي 

الناس اللي عندها #وساوس المرض حاولوا متستسلموش لوساوسكم كل دي افكار مش حقيقية..اصحاب #القاولون العصبي يومين متعبين شوية حاولوا تبطلوا رمرمة والام العضم برضه ممكن تزيد

#عطارد في تربيع زحل المتراجع ربما تظهر ديون نسيتوها او اصحاب يطالبوا بيها..تعطيل في الاوراق الرسمية والمعاملات القانونية والعربيات والاجهزة الكهربائية والالكترونية من غير سبب واضح..كتير منكم هيفكر في تغيير سكنه مضطر او بمزاجه وربما تظهر مشاكل في بعض العقارات 

تاثير الزاوية دي تشبه مشاكل تراجع عطارد تاخير مواصلات وتعطيل سفريات و بطء في #النت وبيزيد الرقابة ع اللي بتكتبوه ع النت ووسايل التواصل فخلي بالكم من موبايلتكم والاكونتات المضروبة علشان انت متراقب يامعلم

ادوار #البرد والحساسية ومشاكل الجهاز التنفسي هتزيد اليومين دول شوية

بتميلوا اكتر الفترة دي لافلام الابيض والاسود والافلام والاغاني القديمة

تجنبوا المشاكل مع مديرينكم والتأخير ع مواعيد شغلكم اليومين دول علشان الباب يفوت جمل والخصومات ميتهزرش الفترة دي

اغلب المشاكل الفترة دي هتيجي بسبب سوء الفهم او الكلام غير المقصود او مشاكل في التواصل او نسيان انك تتواصل مع حد ..المهم في مشكلة ماثرة ع التواصل بشكل عام فراجعوا مواعيدكم وراجعوا كلامكم وخليكم ع تواصل مع اللي بتحبوهم

 

#نشرة_اخبار_الكواكب