القمر في شرفه في الثور و الزهرة كوكب الحب

#القمر في شرفه ف #الثور و #الزهرة كوكب الحب والجمال اخيرا خرج من وباله في #الحمل وداخلة بيتها في الثور

#الزهرة كانت في #الحمل لمدة 25 يوم وده بيت مش مناسب ليها وعلشان كده اكيد كتير علاقات عاطفية انتهت او حصلها مشاكل الفترة اللي فاتت بسبب الايجو والعند والانفعال اللي اتسبب في كلام مش مقصود ..علاقات كتير بدات وانتهت في اقل من شهر لان كلها كانت مبنية ع اعجاب مفاجئ وانتهت لانها مش حقيقية..المهم ان #الزهرة دخلت بيتها وده هيحسن كتير جدا من حياتكم العاطفية وناس كتير متابعدة هترجع تاني وصلح بين متخاصمين ولكن الزهرة برضه في تربيع #بلوتو كوكب الهدم وده معناه ان في علاقات كتير تحديدا الغير واضحة هتنتهي او تتوقف فترة وده لصالحكم لانه هيكون سبب في كشف الحقيقي من المزيف وربما يكون انفصال من علاقات مؤذية مكنتوش قادرين تبعدوا عنهم ..تحسن في الوضع المادي عند البعض حسب طبعا وجود #الثور في خريطتهم الفلكية 

ناس كتير ممكن يرجعلها فلوس او حقوق مادية كانت ضايعة عليهم او متعطلة الفترة اللي فاتت

النهاردة يوم مناسب لقص الشعر او حلاقته بغرض انه يتحسن شكله او مشاكله زي القشرة او التقصف لكنه مش هيطول بسرعة

افضل وقت لتوقيع عقود او نقل لبيت تاني هيكون بعد 3 يونيو لكن قبل مايقترن اورانوس بالزهرة في 11 يونيو اللي ممكن يسبب زيادة النشاط الزلزالي او كوارث تخص انهيار عقارات في العالم وربما انهيار اسهم للبورصات او اسعار عملات 

#الزهرة في #الثور بتفتح نفسكم اوي ع الاكل وانكم تجربوا اكلات ومطاعم جديدة بزود رغبتكم في الشرا بتصرفوا كتير وبتندموا بعد كده فنمسك ايدنا شوية

#الثور هو بيت #البنوك والعملات والتعاملات المالية فاكيد الفترة الجاية هنسمع عن صفقات كبيرة وربما نشوف زيادة في قيمة بعض العملات في مقابل انخفاض عملات تانية وانتعاش في سوق الدهب وربما يكون في زيادات او انخفضات مفاجئة في سعر بعض السلع او النفط والمعادن وعملات البيتكوين خلال الشهر حسب اتصالات الزهرة

بيستفيد من وجود الزهرة في الثور اللي بيشتغلوا في العقارات والبنوك ومواد التجميل وتحديدا بعد 3 يونيو بعد ماينتهي تراجع عطارد

الناس اللي بتسالني باستمرار عن افضل وقت لعمليات التجميل عندكم 25 يوم كاملين بس برضه ده بيرجع لخريطة كل شخص 

#عطارد المتراجع في تربيع زحل بئاله كام يوم ومكمل شوية وده بيسبب افكار سوداوية شوية وخوف غير مبرر وتقليب ذكريات مش لطيف زيادة ادوار البرد واصابات الاطفال في الراس والرجل فخلوا بالكم تحديدا مع وجود المريخ في #الحمل وتاني خلي بالكم من حوادث النار والالات الحادة الشهرين دول 

تعطيل الاوراق ومشاكل #النت وتحويلات الفلوس واعطال الاجهزة الكهربائية والعربيات مكمل لحد 3 يونيو

#نشرة_اخبار_الكواكب