القمر النهاردة مقترن بالشمس وعطارد وتسديس المريخ فده هيدينا طاقة كبيرة ننجز امورنا نعبر عن نفسنا كويس...

 

#ولادة  #القمر الجديد عموما يعني بداية اي شهر هجري  يبتبقي احسن وقت ممكن لبداية اي امر او مشروع..مناسب للارتباط لحفلات الافراح والخطوبات   

اليوم مناسب جدا لعلاج اي مشكلة في الشعر او البشرة يعني استخدموا كريمات علاجات زيوت جاز اي جاجة بتحطوها ع شعركم هتشتغل ان شاء الله

مش مناسب لاي عمليات جراحية عموما ده بيبقي طول النص الاول من الشهر الهجري

 وقت مناسب للمقابلات والصلح بين المتخاصمين 

بس برضه هنخلي بالنا ان في زاوية معانا بئالها شهر ومكملة لحد 5 ابريل مسببة طاقة انفصال كتير وتوتر في العلاقات العاطفية حقيقي كلها دروس بتخبر قوة علاقاتكم واللي هيفضل منها اللي يستاهل يكمل وده مسبب ركود في العلاقات العاطفية و غيامة سودة شوية فلازم نحط ده في دماغنا ان لو قمت بمحاولة صلح وفشلت مثلا فده لان حقيقي العلاقة دي ملهاش نصيب تكمل 

وقت مناسب تروحوا جيم او تلعبوا رياضة... 

مناسب للبيع والشرا بس لازم دايما نفتكر اننا مفلسين....

مش مناسب تبدأوا دايت علشان نفسكم هتكون مفتوحة وهتحبطوا نفسكم ع الفاضي...

تاني الصداع من اهم تأثيرات وجود القمر في الحمل وبرضه مينفعش اطلاقا لعلاج الاسنان او مشاوير دكاترة الاسنان...

اليوم طاقته حلوة من كل النواحي و #شهر_رمضان هيكون مميز بروحانيته العالية خاصة ان المشتري ونبتون مقترنين في الحوت طول الشهر وزي ماقلتلكم انه حدث نادر بيحصل مرة واحدة في العمر والكواكب دي لها تاثير كبير ع روحانيتنا وروحنا ..ادعوا كتير اوي وطلعوا صدقات بنية صافية وتخيلوا احلامكم وامنياتكم وابعدوا عن التفكير في اي شئ سلبي لان قوة تجلي احلامكم فوق ماتتخيلوا

الاحلام والرسايل الربانية هتزيد جدا فطابوا الدعم والارشاد من ربنا بقوة ويقين 

لسه طبعا طاقة التسرع والتهور واضحة جدا في تصرفات الناس فخلوا بالكم اوي وانتم سايقين وانتوا في الشارع عموما لان قمر الحمل متهور وصبياني شوية وامسكوا اعصابكم قصاد اي طاقة استفزاز لان سهل تتحول خناقة بسهولة

#نشرة_اخبار_الكواكب