نشرة اخبار الكواكب 22 مايو: فترة خلو ومسار وتحذيرات هامة

من 9 ونص صباحا للساعة 6 المغرب فترة #خلو_مسار ودي فترة طويلة وزي ماحنا عارفين ان فترة خلو المسار بتكون تقيلة شوية وبنحس الوقت ماشي بطئ وغير منجز وزي ماتفقنا انه لا يصلح نبتدي فيها اي حاجة جديدة او مهمة او نشتري حاجة غاليةاو نصلح حاجة ..بنكمل بس اي حاجة بدأناها

من بعد 6 المغرب الطاقة هتختلف كتير لان #القمر هيدخل #برج_الحوت والقمر في #الحوت بيكون مبسوط احسن من الخنقة بتاعة ال5 ايام اللي فاتوا اللي #القمر كان فيهم في بيوت #زحل

اليوم طاقته تقيلة  والشمس في تربيع مع  #القمر والقمر مقترن بزحل وتربيع #عطارد واورانوس ده تاثيره علينا ايه

هتزيد طاقة المشاكل والخناقات بسبب سوء الفهم ..يعني الكلام بيتفهم غلط او بيتقال من غير قصد وتحديدا بينكم وبين مديرينكم او اهلكم فتجنبوا اي استفزاز وركزوا في الكلام اللي بتقولوه

وارد تزيد اعطال العربيات والنت والكهربا او الاجهزة الكهربائية  و"السيستم واقع" بتسمعوها كتير تحديدا مع #تراجع_عطارد وبتلاحظوا اصلا الفترة دي موبيلاتكم بتفضي شحن بسرعة

 

الزوايا دي بتزود اختراقات او سرقة حسابات #السوشيال_ميديا او تسريبات صحفية وانكشاف امور سرية وبيزيد برضه سرقة الموبيلات والابتزاز الالكتروني

اليوم مش الطف حاجة للصلح او العتاب بين المتخاصمين الكلام وارد يكون حاد اكتر والتلكيك بزيادة والكل بيشاكل دبان وشه

 

تاني من اول الشهر لاخره احذروا النصب والنصابين وراجعوا معاملتكم المالية اكتر من مرة وتحويلاتكم تحديدا عن طريق الموبايل

 

تقليب ذكريات ومود كئيب شوية  واسترجاع ذكريات من #الطفولة والعلاقات العاطفية الفشلة تحديدا لهواة النكد هتتبسطوا اوي النهاردة

 

وجع العضم زايد اليومين دول وتساقط الشعر والحساسية الجلدية بانواعها

وزي ماقلت طاقة رجوع ناس مختفية من حياتنا مستمرة ل3 يونيو واللي بيرجع مع #عطارد لا يعول عليه والنيعمة

وارد يكون في زيادة او انخفاض غير مبرر في اسعار الدهب او النفط النهاردة واداء متذبذب للبورصات العالمية واسواق المال

اليوم لايصلح لقص الشعر ولا صبغه ولا للعمليات الجراحية في منطقة الساق تحديدا

#نشرة_اخبار_الكواكب