الزهرة سابت برج الجوزاء

اولا #الزهرة هي كوكب السعد الاصغر كوكب سعيد كوكب الحب والمشاعر و الجمال وجزء من المال والثروة ودخول الزهرة اي برج بيغير احتياجتنا النفسية والعاطفية ع طول الفترة اللي فاتت كان في الجوزاء برج الرغي والكلام والتواصل يعني كتير وقعوا في الحب من كلمة والكلام يزيد شوية وينقطع شوية لكن العاطفة نفسها مكنتش هي اللي بتحكم العلاقات الكلام الحلو هو اللي كان بيثبتنا من الاخر وعادة موسم #الجوزاء موسم علاقات قصيرة المدي حاجة تقضية وقت وخلاص.. اما بقي دخول الزهرة السرطان فده موسم الدراما كوين هنكون اكتر حساسية محتاجين للاحساس بالامان باي شكل وده هيخليه موسم للحب والعلاقات الجديدة والارتباطات الرسمية بس في نفس الوقت موسم نهاية علاقات كتير ومشاكل بسبب الحساسية الزايدة او غياب الرؤية يعني من الاخر الكل بيدور ع احساس الامان والاستقرار بالافعال الحقيقية مش بالكلام بس واي علاقة مفيهاش ده هتنتهي او هيحصل خلافات كتير 

موسم كسل ورغبة في القعاد في البيت والاكل تحديدا مواليد الميزان والثور والسرطان..جو نوستالجيا بقي هيعم ارجاء الفيس بوك لمدة شهر عن ذكريات #الطفولة والبيت القديم و #افلام الابيض واسود 

بيزيد رغبتكم او تفكيركم في شرا بيت او تغيروا حاجات في ديكور البيت

موسم اسراف في شرا اللبس ومواد التجميل والتحف والانتيكات واي حاجة ملهاش لازمة وهنتخن كلنا :(

الناس اللي عندها السرطان في الخامس او السابع احتمالات خطوبة او علاقة عاطفية جديدة الناس اللي عندها السرطان في الثامن او السادس غالبا هتدخلوا في علاقة منيلة بستين نيلة فدوروا ع السرطان في خريطتكم الفلكية وموسم شقط موفق للجميع????

#نشرة_اخبار_الكواكب