دايما فبراير هو فترة فلترة الاصحاب والعلاقات الانسانية لان الشمس بتكون فيه في برج الدلو وكمان زحل كوكب الدروس والتجارب بيختم رحلته اللي استمرت سنتين ونص هيخرج منه في مارس 

ع المستوي الشخصي فعلا كان شهر فلترة قوي جدا بالنسبالي بختم بيه درس غير كل حياتي من 2019 في الاول تخيلتها التجربة الاسوأ علشان اكتشف في النهاية انها كانت المحنة اللي سبب نعمة مكنتش هوصل لها الا بالطريق ده..

الشهر ده كان عندي كم مشاكل غير طبيعي لدرجة اني حسيت ان في مؤامرة كونية عليا بس سبحان الله برضه فهمت انه درس اخير افلتر الناس اللي حواليا علشان اعرف الصاحب الجدع من الصاحب اللي ع حسب المزاج او للخروج والهزار ..الصاحب اللي يقولك اركن انت ع جنب ويسيب مشاغله وكل اللي وراه علشان يحللك مشكلتك وياخد من وقته وجهده وكمان يستحمل عصبيتك وزنك ..ففي عيد الحب سلام لكل اللي بنعرف معدنهم الحقيقي في الاوقات الصعبة سلام لكل اللي الزمن بيأكد جدعنتهم مش بيكشفهم ع حقيقتهم ..سلام للناس اللي بتغيب وانت مطمن لاسباب غيابهم زي مانت مطمن في وجودهم ..سلام لعشرة العمر صديقاتي رفاق الدراسة والجامعة اللي فرقتنا المسافات وجمعنا الفيس بوك وقبل الكل وبعد الكل سلام للجندي المجهول في حياتي لصاحبي وانتيمي ورفيق الرحلة وسندي في الدنيا اللي مش محتاج لا بوست ولا كلام يخليه يعرف مكانه في حياتي ❤️ ...وسلام لكم كلكم اللي حبكم خلاني اعدي ايام وحده ربنا عالم بقسوتها????