رغم اشتباك القمر مع المريخ و الشمس الطاقة اليوم افضل

اخيرا القمر ساب #برج #العقرب اللي كان سبب اكتئاب لكتير مننا اليومين اللي فاتوا لان قمر #العقرب دايما بيحرك جوانا القلق والخوف والتوتر من غير داعي ..

القمر النهاردة في #برج_القوس و القمر بيبحب القوس لانه بيت روحاني وبيت التعلم والسفر والثقافات المختلفة علشان كده بيكون افضل قمر لانك تبدأ تتعلم لغة جديدة او تاخد كورس جديد ..وبيزيد تواصلكم مع اصحابكم اللي من دول مختلفة او مسافرين وممكن تحلموا بيهم

الطاقة نسبيا افضل من اليومين اللي فاتوا لكن القمر عامل خناقة مش لطيفة مع #الشمس و #المريخ وده بيزود الحدة والعصبية والعنف ...مشاعرنا متطرفة شوية نحب بزبادة نكره بزيادة وبيزيد مشاعر الغيرة بشكل واضح ..ناس كتير هتحس بميل مفاجئ نحية اشخاص وهيكون عندهم رغبة في التواصل معاهم وممكن يعبروا عن ده بشكل مندفع شوية او رغي لفترات طويلة بلا هدف

متدخلوش في خناقات النهاردة ولا عتاب تحديدا الناس اللي هيرجعلهم ناس متخاصمين معاهم حقيقي عندكم رغبة في انكم تنفجروا فيهم لكن قمر #القوس بيدعم الصلح جدا فانتهزوا ده من غير تلاكيك

بيزيد الخلافات بسبب الامور العقائدية اليومين دول والمناقشات بتكون فيها حدة وربما نشوف تصريحات تثير الجدل من شيوخ او مفكرين

ميل لتضخيم الامور والمشاكل سواء في الامور الشخصية او حتي المناقشات وتريندات السوشيال ميديا

بيزيد رغبتكم في الاكل وتحديدا الحلويات

البعض وتحديدا اللي عندهم مشاكل تخص العمود الفقري او الرجلين هيزيد معاهم الالم شوية اليومين دول

مش يوم مناسب لقص الشعر ولا لاي اجراء تجميلي 

علي المستوي الدولي ربما نسمع عن تصريح حاد او فيه نوع من التعالي وفشل للحلول الدبلوماسية وزحل في معارضة اورانوس ده من الشهر اللي فات ومستمر وعلشان كده الاوضاع غير مستقرة في العالم في كل مايخص الغذاء و مصادر #الطاقة

 القمر في تثليث المشتري المتراجع وده معناه انه ممكن يرجع لناس حقوق متاخرة عنها او يوصلها فلوس نسيتها وربما اعتذار انتظرتوه ونسيتوه كمان

يوم مش مناسب للبيع سواء عقارات او دهب او اي شئ غالي

احذروا افكاركم السلبية واتخيلوا امور حلوة وبس لان قمر القوس بتكون طاقة الجذب فيه عالية فرددوا"يات بها الله ان الله لطيف خبير" بنية الامر اللي انتوا عايزينه يحصل

#نشرة_اخبار_الكواكب