#القمر النهاردة في #برج_السرطان ولمدة يومين ونص ..قمر السرطان دايما بيقلب علينا ذكريات الطفولة ..اكيد كتير حلموا ببيوت اهلهم او باهلهم نفسهم وغالبا احلام مكنتش لطيفة اوي وغالبا كوابيس مش اكتر... وكتير قرروا يزوروهم او يكلموهم 

القمر في تربيع المشتري نفسكم مفتوحة اوي للاكل مشتاقين لاكلات قديمة او اكل امهاتكم تحديدا

الاجواء النهاردة الطف بكتير من الايام اللي فاتت علي المستوي العاطفي والنفسي والامور المتعطلة هتبتدي تمشي 

هدوء نسبي واستقرار في العلاقات بعد شهر كامل من الخناقات والحدة والعصبية طبعا ده كلام عام لكن مثلا طوالع #القوس قدامهم 7 شهور هيتخانقوا فيهم مع طوب الارض فالكلام هينطبق بشكل متفاوت حسب الخريطة الفلكية لكل شخص

الشمس بتستعد للخروج من #برج_الاسد وتمشي من وش زحل وده هيعمل تحسن كبير لمواليد الاسد ولينا كلنا تحديدا ع مستوي طاقتنا اللي في الارض دي

النهاردة الزهرة في تثليث مع المشتري وعطارد مع المريخ يوم مناسب جدا للتواصل مع الناس اللي مش بتكلموهم من فترة وللاعترافات العاطفية ..وللتفاوض وحل المشاكل يوم حلو استغلوه واي امر متعطل ليكم تحديدا اللي عندهم تعطيل في الجواز يقروا سورة المدثر ويطلعوا صدقة بالنية دي.

نخلي بالنا بس وده لاخر السنة من ان اغلب التريندات والرغي في السوشيال ميديا وفي شغلكم وحياتكم هيبقي عن قصص لها علاقة بفضايح جنسية للاخرين تجنبوا انكم تقعوا في الهري ده علشان المريخ لما يتراجع كل واحد هياخد نصيب من اللي قاله ..كارما الكلمة متفعلة لمدة 7 شهور فانتبهوا للكلام اللي بترددوه 

عطارد في معارضة نبتون من الاسبوع اللي فات ولسه مكمل وده بيخلينا نسمع عن حوادث انهيارات منازل كتير بسبب سيول او فيضانات او مشاكل للبيوت اللي بالقرب من المياه..بيزيد حوادث الغرق ..بيزيد الاوهام والتخيلات والناس اللي عندها مشاكل نفسية بيزيد لجوئها للادوية او المخدرات فنخلي بالنا

يوم مناسب للجذب جدا اقروا "يأت بها الله ان الله لطيف خبير" بنية الموضوع اللي انتم عايزينه رجوع شخص..وظيفة..حق ضايع..اي حاجة اعتبروها ليلة القدر وادعوا وهستني رسايلكم تبشروني

#نشرة_اخبار_الكواكب