اختلاف كبير في طاقتكم

قبل كل نشرة دي طاقة عامة بتأثر ع الجميع بشكل متفاوت حسب خريطته الفلكية

#القمر النهاردة بيدخل #برج_الميزان الساعة 12 الاربع صباحا بتوقيت #مصر قبل كده فترة خلو مسار منصحش فيها نبتدي اي امر مهم

هتحسوا باختلاف كبير في طاقتكم من فترة الضهر بعد يومين كانوا كلهم وساوس ومخاوف وناس دخلت في مود كئيب تحديدا اللي عندهم مشاكل نفسيا او صحية..هنحس بتحسن ورغبة اكبر في التواصل ومزاجنا اروق حقيقي السما فيها تراجعات قوية واتصالات سيئة لكن القمر هيكسب ويروقنا شوية 

القمر في الميزان برج الشراكة والعلاقات والمفاوضات الهادية هيدخل يبلاقي عطارد كوكب التفكير والتواصل وهيقترن بيه يعني عندكم 48 ساعة تقدروا تستغلوها للصلح وحل المشاكل..الاجواء هادية ورايقة والقمر في زاوية سعيدة مع #المريخ ناس كتير هيجيلها اعترافات ومبادرات عاطفية و ناس تانية هيجيلها اعتذارات وناس هتبادر هي بالاعتذار..ناس هيوصلها مبالغ مالية مش متوقعة او يتردلها جزء من فلوسها ..يوم مناسب لتوقيع العقود..ولبداية مشروعات جديدةوناس هيجيلها هدايا حلوة ????

يوم مناسب للتقدم للوظايف او المقابلات الرسمية المهمة 

وقت مناسب جدا لحل المشاكل وديا ولكسب القضايا والمطالبة بفلوسكم

مرضي الكلي تحديدا يخلوا بالهم ويشربوا مية كتير

ناس كتير هتصحي ع احلام واضحة وقوية وغالبا فيها رسالة مهمة هتعرفوها الفترة الجاية

بينشط شوية الجدل في الامور الدينية علي مواقع التواصل الاجتماعي خليكم اذكيا وتجنبوه

اه في شوية كسل ورغبة في الهدوء واحلام اليقظة هتلعب بعقلكم وناس هتتوهم امور وهتحس بميل مفاجئ نحية اشخاص بشكل مفاجئ ده القمر و48 ساعة وهتفوقوا ان شاء الله????

الفترة دي ولاخر السنة طاقة الكواكب المتراجعة بتجبرنا نحل مشاكل كتير كنا بنأجلها..بتظهر ناس قديمة تاني في حياتنا..بتعيدلنا دروس مش عايزين نفهما..الفترة كارمية جدا وكل فعل له رد فعل وكل كلمة بتنطقها هيكون لها حساب واثر ..الناس اللي ضابطة نفسها علي وضع الشكوي والبرطمة طول الوقت انتم سبب مشاكلكم افكاركم السلبية وطاقتكم بتجذب لكم كل شئ بتخافوا منه او بتكرهوه اقروا سورة النبا والنور علشان افكاركم تتعدل 

اليوم حلو استغلوه???? 

#نشرة_اخبار_الكواكب