بما ان النهاردة يوم مش عادي لانه يوم عيد ميلادي ومفروض اكتب كلمتين عميقين بمناسبة تجاوزي الاربعين يعني بقيت ست عاقلة زي مانتوا شايفين كده????
انا الحقيقة مبسوطة جدا بكل تجربة كسرتني 100 حتة وكل درس علم ع وشي اه والله لما بقف كده وابص لحياتي اللي كنت معتبراها ابتلاء حقيقي ومش فاهماها بكتشف ان كل محنة خلت مني نسخة اقوي وكل اختبار كان له حكمة وكل منع كان له سبب
السنة دي كانت اهم سنين حياتي سنة فاصلة بدات بحال وانتهت بحال تاني خالص لاول مرة بكون رحاب لاول مرة بفهم سر اختباراتي وحكمتها كأن في لحظة واحدة النور نور ع 40 سنة من عمري وخليها تتعرض قصادي زي فيلم سينما وفي الاخر صرخت زي ارشميدس بتاع الليفة لما وقعت في البانيو فاكتشف قانون الطفو لكن انا فهمت قانون الحكمة من المحنة
انا مفيش اتنين في حياتي يعرفوا قصتي كاملة كل فصل من حياتي ملوش علاقة باللي قبله بس كنت عارفة ان السنة دي ببتدي فصل جديد وقد كان :)
انا مبسوطة مني وهديلي نجمة علشان السنة دي حليت الامتحان صح من غير برطمة ومدبدبتش في الارض وقلت ليه انا يارب في كل لحظة صعبة مرت عليا محدش حس بيها غيري
البوست ليا مش لاي حد تاني بكتبه علشان اشوفه هنا السنة الجاية وافكر نفسي بالامتحان اللي انا فيه :)
2
-2
