الاقتران النادر..المشتري ونبتون في برج الحوت

لا حظتوا طبعا ان الجو بدأ يبرد بالتدريج  تاني بشكل مفاجئ من يوم 7 ابريل بسبب اقتران #المشتري و #نبتون  في #الحوت  واللي هيوصل ذروة الاقتران ده   يوم 12 اللي غالبا  هيكون اقل درجة حرارة خلال الشهر  ووارد يكون سبب في رجوع الامطار او سيول في اماكن متفرقة من العالم... المشتري بيقترن بنبتون كل 14 سنة لكن اقترانهم داخل #برج_الحوت اخر مرة حصل كان من حوالي 166 سنة وتاثير الاقتران ده  هيستمر ل14 سنة تقريبا لحد مايقترنوا تاني في برج جديد وعادة الكواكب التقيلة او بطيئة الحركة  بيكون تاثيرها اكبر ع الوضع العام وبيكون مصحوبة بتغيرات فكرية ومجتمعية ودولية كل دورة اقتران.. نبتون هو الكوكب الحاكم للمياه والبحار والمحيطات ع الكوكب مع المشتري الكوكب اللي لما بيقترن بأي كوكب تاني بيضاعف قوته ويزودها في برج الحوت البرج المائي اللي هو اصلا بيتهم وهما حكامه فمن حكم في بيته فما ظلم  كتير من معالجي الطاقة والروحانيين والفلكيين وانا معاهم  بيوصوا بالاستشفاء بقوة الماء خلال الفترة دي لان #برج الحوت في #الخريطة_الفلكية هو بيت الاستشفاء فاستغلوا الطاقة الكونية النادرة دي في #الشهر الكريم بانكم تقروا قرآن او اسماء الله الحسني او  اي كلام مقدس في دينكم  و حتي تدعوا الدعوة اللي حبينها ع المية اللي بتشربوها"الطريقة دي اسمها شحن المياه ولها ادلة وتجارب علمية" و كمان استحموا بمية وملح بنية التخلص من اي طاقة سلبية من اي نوع  وقبل ماتشربوا المية تحديدا ساعة الفطار سموا عليها باسم الله الشافي المعافي من كل داء جسدي او نفسي او روحي ..   الاقتران ليه مشاكل برضه برغم ايجابيته القوية وطاقته العالية وتاثيره المتوقع  لكن عيبه انه بيزود الوهم لان نبتون كوكب الوهم والخداع فممكن ناس يزيد عندها الوهم وهيحصل ان يظهر كتير الفترة الجاية ناس تدعي النبوة او انها كائنات مقدسة او عندها قدرات خارقة  كتير بيكون مقترن بزيادةكوارث الطبيعية الخاصة بالمياه عموما  زي السيول او تسونامي  بيزود اللجوء للمخدرات والادمان فممكن يظهر انواع جديدة وغريبة اعتقد هيكون برضه سبب في تطور في قطاع الصحي واكتشاف علااجات لامراض كتير  مشاكل البطالة والاجئين هتزيد ع مستوي العالم لكن هيكون في اهتمام مجتمعي جدا بيها الاهم ان ده غالبا هيكون بداية صحوة روحية جديدة في العالم  منظور الناس هيتغير لامور كتير وهيهدم ثوابت واوهام موروثة واهتمام متزايد بالعلوم الروحية وعلوم الطاقة  علشان كده كنت دايما بقولكم "مش هينجيكم الفترة الجاية الا روحكم" ثقوا في حدسكم  بس احذروا الوهم والتقدير المبالغ فيه للذات والاخرين  ابعدوا عن اي فكرة سلبية تتخيلوها او تسيطر ع افكاركم من 7 ابريل ل17 وتحديدا يوم 12 لان قوة التجلي لافكاركم فوق ماتتخيلوا فاستغلوها بتخيل احلامكم واجذبوها ليكم #نشرة_اخبار_الكواكب