طبعا مكتبتش نشرة امبارح علشان الطاقة كانت تقيلة شوية وانتوا بتفضلوا تلبخوا في الكواكب بس قلت اكتبلكم النهاردة علشان الطاقة اتقل شوية

#القمر لسه مكمل في #العذراء لحد الساعة 2 الضهر ومن 2 ل5 ونص خلو مسار يعني مش بنبدا اي حاجة جديدة ولا افضل وقت للمقابلات المهمة ولا شرا حاجات غالية واكيد مش لقص الشعر..

من 5 ونص #القمر هيدخل #الميزان ولمكا القمر يدخل الميزان.. بس نخلينا في طاقة النهاردة وامبارح القمر في تربيع مع الشمس والزاوية دي بتزود شوية الخناقات الزوجية وخناقات الشغل مع مديرينكم من امبارح لحد الضهر النهاردة بعد كده هتفك فاجتنبوا المشادات لحد ماتخلص

#الشمس في تربيع مع #نبتون و #القمر كمان في معارضته الزاوية دي بئالها كام يوم ملخبطة احلامكم جدا وبتخلي افكاركم كلها فيها شك وقلق وتحسسكم انكم بتتعرضوا لخيانة او بتكدبوا كل حاجة بتسمعوها وفي نفس الوقت بتسبب احيانا ان البعض يكتشف كدب شخص او خداعه ليه بالصدفة وبدون مجهود منه...الزوايا دي بتزود لجؤكم للادوية المنومة و #السجاير واي مخدر او شراب كحولي للي معتادين عليه 

بيزيد رغبتكم في النوم وكسل واضح ..بترفضوا النصايح والحقيقة لو واضحة قصادكم زي نور الشمس مش بتشوفها وعلشان كده فترة مناسبة للنصابين والمخادعين فاحذروا حد يستغلكم

#زحل تربيع #عطارد الزاوية مستمرة طول الاسبوع ده والاسبوع الجاي "لسانك حصانك لو صنته صانك" انتبهوا لمراسلاتكم وكل اللي بتكتبوه ع السوشيال ميدا ولتحويلاتكم المالية تعطيل السفر والاوراق الحكومية واردة جدا

زحل متراجع لنص اكتوبر طلعوا صدقات ..صلحوا غلطاتكم..اجتنبوا اي غلطة صغيرة او كبيرة الفترة دي بيتدفع تمنها وقتي حتي لو عديت منها 100 مرة قبل كده..ده وقت لمراجعة النفس ولرد الحقوق وتسديد الديون

رغبة زايدة في الاكل واسراف في شرا مواد التجميل والعناية بالبشرة ومواد التنضيف المنزلي وكتير فكروا يشتروا حيوان اليف

طاقة النص التاني من اليوم هتكون افضل من امبارح واوله ان شاء الله ..انجوي

#نشرة_اخبار_الكواكب