نص اليوم الاولاني تحت تاثير قمر #الحمل فممكن اكتر حاجة تزعجكم الصداع فحاولوا تبطلوا رغي وانتوا هتبقوا كويسيين

لسه #القمر زواياه سعيدة ومبسوطة بيحتفل برمضان زينا بالضبط الزاويا الوحيدة التقيلة هو تربيع مع بلوتو وحتي ده سبحان الله جزء من تحديات الصيام وشهر #رمضان...لان بلوتو كوكب بياثر ع كل الغرايز البشرية اللي بنحاول نتحكم فيها طول الوقت..ممكن ناس تحس بقلق وشك كده في نوايا الاخرين تحت تاثير الزاوية دي..تحسوا بمجهود مضاعف لمقاومة الجوع و شهواتكم ..تقليب ذكريات شوية بس اشغلوا نفسكم بالدعا والتسبيح 

القمر من بعد الساعة 7مساءا هيدخل #برج_الثور بيت شرفه وسعادته بس بقدرة قادر صداع النهار هيتحول عند كتير لوجع في الرقبة او الاكتاف او الحلق وده هحكيلكم عنه بالتفصيل نشرة بكرة

لسه الزهرة والمريخ مقترنين بزحل وده بيكمل انهاء علاقات كتير وتقليب في ذكريات طفولتكم ومناسب جدا للتخلص من عقد الطفولة اللي مأثرة عليكم وبتفتكروها اليومين دول بزيادة وناس كتير هتتشافي من مشاكل نفسية ..

 

اقتران #نبتون والمشتري في #الحوت ووجود العقدة الجنوبية " #كيتو" في #العقرب السنة دي هيخلي رمضان مميز جدا وهيكون طاقته الروحانية عالية جدا  وكارمي يعني عمل الخير اللي هتعمله فيه هيتردلك بشكل يفاجئك ويذهلك..حقوق كتير هترجعلكم وهتشوف عجايب قدرة ربنا في اللي ظلمكم 

#رمضان_كريم  اوي السنة دي وهكتبلكم عن تفاصيل ده ع رواقة بعد الفطار 

وزي كل نشرة تاثير دخول القمر في اي برج ملوش علاقة ببرجك ده تاثير عام ع الكل بيختلف من شخص للتاني حسب خريطته الفلكية

 

#نشرة_اخبار_الكواكب