القمر حاليا موجود ببرج #العقرب ولمدة 48 ساعة ..العقرب هو بين نحيس للقمر لانه مايناسبش طبيعته وطبيعي يكون تاثيره سلبي ع مشاعرنا ومزاجنا العام
القمر هيكون في اتصال سلبي مع الشمس واورانوس وزحل ده ربما يسبب زياد نشاط الزلازل في العالم لكن ان شاء الله مش هتكون بنفس قوة او خطورة زلزال تركيا وسوريا لان طاقة اكتمال القمر وقتها كانت احد اهم اسباب قوة الزلزال لكن لازال خطر تهدم مباني او انهيارها لاسباب خاصة بكوارث طبيعية او اي اسباب تانية قائم وده في اماكن مختلفة من العالم
وارد يحصل تسريبات ع مواقع التواصل الاجتماعي او انكشاف اسرار تخص مشاهير او تسريبات لوثائق سرية وع المستوي الشخصي برضه بتكون فترة انكشاف اسرار و البعض ممكن يكتشف بسهولة ان في حد مراقبه وبرضه خلوا بالكم علي حسابتكم لانها عرضة للسرقة او التهكير وده لحد يوم 15 فبراير
طبيعي قمر العقرب بيزيد احساسنا بالخوف والقلق والاكتئاب وبيقلب الذكريات وبيخلي كتير عندهم رغبة في الانتقام او حتي يدخلوا يجروا شكل اي حد ضايقهم فحاولوا تتجنبوا ده ..لو حسيتوا ان في حد جه ع بالكم فجاة تاكدوا ان الشخص نفسه بيفكر فيكم في نفس اللحظة وده لان طاقة الجذب والتخاطر قوية جدا النهاردة فتجنبوا اي افكار سلبية
احلامكم كوابيس واغلبها بتعكس مخاوف او رغبات في عقلكم الباطن فمتركزوش معاها
يومين قمر العقرب مش مناسبين للسفر او الاجراءات الجراحية الغير ضرورية ولا لشرا اي شئ غالي
2
-2
