نشرة طاقة عامة لا تخص برج الاسد فقط

 

#الشمس امبارح دخلت برجها اللي بتحكمه برج #الاسد ومفترض في ظروف تانية يكون ده افضل شهر لمواليد #برج_الاسد بس علشان اسد يالا فيه ايه والاسود مفيش اجمد منهم طبيعي يكون تحدياتهم اكتر من اي حد تاني وعلشان كده الشمس دخلت بيتها علشان تلاقي زحل في معارضتها طول فترة وجودها في بيتها طبعا ده هياثر ع الكل حسب وجود بيت الاسد في خريطتكم بس بشكل خاص طوالع #الاسد #الدلو لازم تخذوا بالكم من شوية امور علشان تستفيدوا من شهر ميلادكم من غير مشاكل

من الاسبوع الجاي الشمس هتكون في مواجهة مباشرة مع زحل مؤكد ده هيسبب احساس بأن امورنا مش ماشية و توتر نفسي واحساس بالاحباط والاكتئاب وبنحس ان كل الامور ضاغطة علينا وممكن البعض يحصلهم خلافات مع اهلهم تحديدا الاب او الزوج والبعض مع مديرهم في الشغل والبعض ممكن مشاكل مع سلطات قانونية ..وبيزيد الاحساس بالارهاق والام في العضم والجسم من غير سبب

الفترة دي كارمية جداا امور كتير هتظهر في حياتكم لأن الشمس اقوي اضاءة في الكوكب في مواجهة زحل اقوي واقسي معلم كوني واللي مسؤل عن الدروس الصعبة في حياتنا في تحدي مع بعض علشان تتعلم درس مهم و تكسر غرورك وتلتزم بحدودك في كل الامور

مش معني كده ان الشهر ده سئ في كل حاجة بالعكس دي فترة شهرة للبعض نتيجة مجهود ع موضوع معين من فترة وتحديدا اللي عندهم مواهب فنية ومع كده شهر مشاكل وانكشاف اسرار لفنانين او مشاهير كتير وربما قضايا او وفاة او مرض لاحد السياسيين البارزين او ربما حاكم او صاحب سلطة في احد الدول

شهر علاقات عاطفية كتير بس كلها for fun فمتبنوش عليها امالا كبيرة خاصة ان شكلها هتكون حلوة اوي في البداية وخروجات ورغي بالساعات وهدايا بس للاسف اغلبها هينتهي بسرعة 

مواليد الاسد والدلو والثور والعقرب طالع وشمسي وهيمنة بشكل خاص وللجميع بشكل عام طلعوا صدقات يوم السبت بنية ان اموركم تتحسن او اي نية انتوا عايزينها وفي نفس الوقت تجنبوا تعملوا اي حاجة مهمة ايام السبت اللي بيحكمها زحل لمدة شهر

الشهر ده نهاية مرحلة مهمة ودرس فاصل في حياة كتير تحديدا #الاسد #الثور #العقرب #الدلو وتحديدا في اول اغسطس لما المريخ يقترن صميم باورانوس في مواجهة زحل الدرس من جزاء عملكم الخير هيترد بخير والشر بشر ومش هينجيكم غير الصدقة والدعاء واعترافكم بغلطاتكم وفهمكم للدرس والاشارات اللي بتجيلكم طول الشهرين اللي فاتوا واهم حاجة تستقبلوا الدرس بالحمد علشان برطمتك بتزود دروسك ????

#نشرة_اخبار_الكواكب