وزي كل نشرة دي طاقة عامة بتأثر ع الكل بشكل متفاوت بغض النظر عن برجك

القمر النهاردة دخل النهاردة ولمدة يومين ونص #برج القوس وقمر القوس قمر لطيف وحيوي وبيشجعنا نتعلم امور جديدة وبيفتح نفسنا ع القراية واننا نتعلم اللغات طبعا طول فترة وجوده اللي هي يومين ونص وناس تفكر في السفر برة وناس تفكر تاخد كورسات لغات او تنمية بشرية وناس هتهتم بقراية امور روحانية 

يساعد ع ده ان القمر في زاوية سعيدة مع كوكب المشتري حاكم برج #القوس والشمس في زاوية سعيدة مع كوكب نبتون كوكب الروحانيات ..معني كده ان عندنا يوم مميز جدا للدعاء والصدقات والتأمل والناس اللي بتطبق قوانين #الجذب ودارساها وفاهماها مفيش عندكم يوم افضل من النهاردة لتطبيقها ..الناس اللي مش بتؤمن بالامور دي ومشغلة عقلها زي النحلة وبتدور ع النظريات العلمية تقولش #اينشتاين اليوم النهاردة مناسب جدا تدعوا وتحلموا بكل اللي تتمنوه وتتخيلوه وتحطوا له خطط وللجميع احذروا تماما تخيل اي امر سلبي او اي فكرة سلبية تشغل دماغكم وتفضلوا تعملوا لها سيناريو في دماغكم قوة تحقيق الاحلام والتخيلات النهاردة سحرية

الاشارات والصدف والعلامات والاحلام النهاردة يومها العالمي متغفلوش عنها 

يوم مناسب للكتابة ولاي مشروع فني او ابداعي للكتاب والفنانين في اي مجال

يوم في مفاجات وصدف وهدايا حلوة وتواصل مع ناس جديدة للبعض 

يوم مش مناسب لقص الشعر

الام عرق النسا والضهر بتزيد الفترة دي

رغم الزوايا السعيدة دي عارفة ان الطاقة تقيلة ومرهقة نفسيا رغم اجواء العيد هشرحلكم سبب ده بالتفصيل في الجزء التاني لان فيه زوايا بصراحة تقيلة جدا بتتشكل في السما هتستمر لاسبوعين ولازم احذركم منهم

#نشرة_اخبار_الكواكب