القمر اليوم في القوس في مرحلة الاكتمال - نشرة أخبار الكواكب

القمر النهاردة في #القوس في مرحلة الاكتمال اللي بتكون يوم 13 و14 و15 من كل شهر هجري يوم طاقته لطيفة وقوية جدا مختلفة عن الايام اللي فاتت اللي كانت تقيلة ع الكل

هتصحوا النهاردة هتحسوا بنشاط وتفاؤل من غير سبب.. كتير كانت ليلتهم حافلة بالاحلام واحلام #القوس روحانية وفيها دلالات ورسايل مهمة 

#قمر_القوس واضح ومع طاقة الاكتمال امور كتير هتنكشف لكم او هتكون اوضح ليكم مشاعركم نفسها هتحسوا انها اوضح كأنكم كنتم مغمضين عنيكم وفتحت فجأة

#القمر في زاوية سعيدة مع المشتري كوكب الحظ وحاكم #القوس وكمان مع المريخ والزاوية دي النهاردة بس زي باب حظ مفتوح للجميع بيستفيد منه الكل وع راسهم طبعا مواليد القوس والسرطان والمثلثة النارية ..ممكن اي مفاجأة سعيدة غير متوقعة تحصل..الناس اللي متعطلها اوراق #سفر او دراسات عليا ممكن يستغلوا اليوم النهاردة هتضبط معاهم

هتحسوا بجرأة وعندكم استعداد تجربوا اي شئ ناس كتير هتندفع باعترافات عاطفية النهاردة جو حماسي واضح بس بلاش تهور لتتعور

????يوم مناسب للصلح بين المتخاصمين وربما انجاز امور او اوراق حكومية متاخرة استغلوا اليوم برضه في اي طلب من مديرنكم او اهلكم هتمشي معاكم فل????

????ناس كتير هتقرر خلال اليومين دول يبدأوا كورسات او دراسات عليا او يفكروا في السفر للخارج او الهجرة

????يوم مناسب تطالب بفلوسك او حقوقك المتاخرة 

لحد نص اليوم يوم مناسب جدا لقص الشعر بغرض التطويل والكثافة وحل كل مشاكله من بعد الضهر الزهرة هتدخل زاوية نحيسة جدا مع زحل هتستمر لاخر الاسبوع مينفعش نقص شعرنا ولا نعمل اي اجراء تجميلي 

????وقت غير مناسب لاي عمليات جراحية لحد يوم 16 يونيو 

بتزيد مشاكل عرق النسا والام الضهر والرجلين اليومين دول 

النهاردة يوم قوي للدعاء اعتبروا السما مفتوحة والحظ بيدعمكم فاطلبوا اللي بتتمنوه واكتروا الدعا والصدقات واهم حاجة تجنبوا اي غلطة علشان الكارما مع تراجع زحل مبتهزرش

#نشرة_اخبار_الكواكب