النهاردة #القمر لسه مكمل في #برج_الثور ورغم ان ده بيت سعده بس للاسف الطاقة النهاردة مش لطيفة لان القمر عامل اتصالات مش سعيدة مع #الزهرة و #المريخ و #زحل ده غير اقتران تاني مهم جدا وهو اقتران #زحل بالمريخ في #برج_الدلو ..

ايه اهمية الاقتران ده بقي وتأثره علينا؟

الاقتران ده واحد من اتقل الزوايا الفلكية لانه اقتران النحيسيين" النحس الاكبر والنحس الاصغر المريخ والنحوسة في الفلك بمعني انها عدائية وقوية ولما بتقترن بكواكب تانية بتغير طبيعتها..الاقتران ده اهميته انه بيحصل في برج # الدلو اللي هو بيحكمه #زحل اصلا في الدرجة صفر اللي بيحكمها برضه زحل واورانوس كوكب التمرد والمفاجات فهيمنة زحل اللي بنسميه المعلم الصارم هتبقي قوية جدا وده هيأثر ع الكل بشكل متفاوت مش برج الدلو بس طبعا 

الزاوية دي قوية وحاسمة يعني اي غلطة فيها هتتفاجئ انك بتدفع تمنها وقتي ..ميل واضح للعنف والحدة..ربما اخبار او مفاجات صادمة شوية ع حتي ع المستوي الدولي لان برج الدلو هو بيت الشعوب

في نفس الوقت النهاردة #كوكب_الزهرة بيقضي اخر ساعات لها في برج الدلو بعد ماكان محاصر بطاقة #زحل والمريخ لمدة 25 يوم كانت سبب واضح في انتهاء علاقات كتير واعادة النظر في علاقتنا الشخصية ومش هيكمل معاكم الا العلاقات الحقيقية وبس بعد ماتعرضتوا لكل انواع التحديات خلال الشهر ده

#الزهرة هتدخل #برج_الحوت حبة دلع ورومانسية في الاجواء ناس كتير ممكن تتقابل مع نصها التاني ..هنكون اكتر تسامح و عاطفية ..بس حاولوا متسرفوش كتير تحت تاثير الزهرة في الحوت اللي بتخلينا نصرف بعبط واضح

الطاقة النهاردة تقيلة وتحديدا من النص التاني لليوم من بعد 3عصرا احذروا تماما اي عنف او استفزاز او اي تصرف طايش او غير قاتوني او اي تصرف غلط هتتجاب من قفاك وربنا "انا حذرت اهو"

اعتقد ان في علاقات كتير النهاردة بتنتهي سواء علاقات شخصية او شغل او شراكات ..اخبار الانفصال هتكون زايدة لكن رغم ان ده مش خبر لطيف لكنه لمصلحتكم وان العلاقات دي كان لازم تنتهي 

خلي بالكم من اي حتكاك مابينكم وبين اولادكم او الشباب الصغير عموما في طاقة طيش وعنف واضحة

حاولوا تتجنبوا المناقشات الحادة والتعليقات الانتقادية

خلي بالكم من اي مصدر نار او الات حادة..سكاكين في المطبخ

خلي بالكم وانتوا سايقيين ومتخالفوش السرعة علشان الردار هيجيبكم هيجيبكم

وزي كل نشرة دي طاقة عامة بتأثر ع الكل بشكل متفاوت ايا كان برجك 

#نشرة_اخبار_الكواكب