جماعة انا مقدرة جدا اهتمامكم بتثقيفي ورفع درجة وعي المتدني بس رجاء كفاية ارسال لينكات او اسامي مواقع واشخاص اتابعهم علشان اتاكد ان الارض مسطحة ومفيش كائنات غيرنا والمشروع الازرق والمشروع الاخضر وكل الحاجات اللي انتوا بتأمنوا بيها انا شخص جاهل ومن الغلابة اللي مقتنعين بكروية الارض وللاسف من الغلابة اللي مؤمنين جدا بوجود كائنات تانية ستنادا لقوله تعالي"يَعْلَمُ مَا يَلِجُ فِى ٱلْأَرْضِ وَمَا يَخْرُجُ مِنْهَا وَمَا يَنزِلُ مِنَ ٱلسَّمَآءِ وَمَا يَعْرُجُ فِيهَا ۚ وَهُوَ ٱلرَّحِيمُ ٱلْغَفُورُ" ويخلق مالاتعلمون"

انا اسفة جدا اني بالدرجة دي من الجهل ومش اد وعيكم ولا تفكيركم ومش بتابع الناس الفظيعة اللي انتم متابعينهم واخر كتاب مهم قريته ميكي جيب ولسه بقراه لحد النهاردة ومنضفة دماغي تماما من هذيان العالم الافتراضي ومقضياها انا ونجومي وميكي ومكتفية بيهم بكرر شكري لكم بس تقدروا تتابعوا ناس اكثر وعيا من العبد الفقير لله