الزهرة حاليا بتنتقل لبرج #الاسد وهتفضل فيه لاول سبتمبر مابين تقدم وتراجع اللي هكتبلكم عنه بوقته واللي اهم حاجة تنتبهوا ليها من دلوقت ان خلال موسم التراجع اللي هيبدا في" 23 يوليو وينتهي 4 سبتمبر" لا يفضل اطلاقا الزواج او الحقن المجهري ولا عمليات التجميل 

المهم ان #الزهرة اللي بتحكم العواطف والمشاعر وجزء من حظوظنا المالية وممتلكاتنا الغالية داخلة البرج الملكي اللي هتاثر علي كل الابراج 

موسم زهرة الاسد من افضل المواسم ع المستوي العاطفي والحظوظ المالية لانها داخلة بيت العلاقات العاطفية والحظوظ في الخريطة الفلكية وده بيكون موسم في مبادرات ارتباطات عاطفية وموسم مناسب للحمل والحقن المجهري ولشرا االاشياء الغالية عيبه انكم هتصرفوا كتير اوي وهتموا بالبراندات والمجوهرات وكل شئ غالي 

الاسبوع الاول من دخول الزهرة هو الاصعب لانها هتكون معارضة بلوتو وقريبة من المريخ وتربيع المشتري هيغلي عندنا مبالغة قوية في المشاعر خاصة الغيرة والتملك وفي نفس الوقت زهرة الاسد بتتغذي ع الاهتمام والدلع وتحب المدح فاغلب العلاقات اللي هتحصلها مشاكل هتكون بسبب غياب الاهتمام والعلاقات اللي هتبدا جديدة هتكون بسبب الاهتمام والمديح فاللي بتحب واحد اخرس ومعترفش ليها ببرج الاسد تنسي انه ممكن ينطق بأي موسم تاني

بنميل جدا للخروج والسهر تحديدا للسينمات والمسارح وحضور الحفلات 

بيزيد التعرض للازمات القلبية ومشاكل تخص #المشاهير و#البلوجرز ربما ل15 يونيو وربما مشاكل تخص احد #التطبيقات الالكترونية وانتشار لعبة او تطبيق يسبب مشاكل او يكشف اسرار او يخترق خصوصية