طاقة اكتمال القمر ثقيلة جدا ع الجسم والنفس وع كل ذرة في الكوكب لان القمر بيكون في اقرب نقطة للارض وطاقته المركزة اوي دي بتاثر بشكل قوي ومتفاوت وتاثيرها بيكون واضح وزايد اكتر ع الاناث اكتر من الذكور لان القمر هو الحاكم الطبيعي لطاقة الانثي ..كتير بيشتكوا من الصداع والكوابيس ونوبة اكتئاب واحساس بانعدام الثقة في النفس وناس بيجيلها نوبات بكاء من غير سبب خلال فترة #اكتمال_القمر  والنهاردة هيكون في رغبة كبيرة في النوم والهروب من المسؤليات بشكل واضح...مش بنصح ابدا بأي جلسات تأملية تحت ضوء القمر المباشر لانه طاقته مركزة وبتقلب وساوس ومخاوف شديدة واحيانا نوبات غضب او حالة كده شبه السكر ..وزمان كانوا بينصحوا الناس انها متبصش للقمر وقت اكتماله لانه ممكن يصيب بالجنون وتاثيره الواضح ع المرضي والمضطربين نفسيا اتكتب عنه مجلدات

رغم ده #اكتمال_القمر له جانب ايجابي جدا لان كل مرة القمر بيكتمل بينورلك جزء انت اشتغلت عليه في اول الشهر الهجري ..زي بالضبط اللي زرع وردة في اول الشهر وفي اكتمال القمر بتفتح قصاده

علشان كده بنقول ان بداية #الشهر_الهجري هي الوقت الانسب لبداية اي شئ جديد ..مشروع...شغل... لتوقيع العقود..الارتباط وحفلات الزفاف ..اي بداية جديدة بيكون افضل وقت ليها ميلاد القمر ولما بيكتمل القمر بتجني ثمار اللي بديته علشان كده القمر النهاردة بيكتمل في الميزان وع حسب وجود الميزان في خريطتك في موضوع هينور او ينكشفلك او تجني ثماره لو القمر في الخامس ممكن موهبة جديدة اشتغلت عليها تبتدي يبان اثرها او تكسب منها ..لو السابع غالبا قرار رسمي بالارتباط او ترسيم حدود لعلاقة عاطفية اما بارتباط رسمي او نهاية بلا رجعة لو في العاشر وبئالك فترة بتدور ع وظيفة وعملت كل اللي عليك وارد جدا تلاقي وظيفة وهكذا

ناس كتير بتلاحظ خلال ايام 13و14 و15 ان وزنها زايد حوالي كيلو او انها زايدة نسبيا دي زيادة اختزان المية في الجسم بفعل المد اللي بيسببه #القمر علشان كده بننصح متشربوش مية كتير وقت الفول موون 

#اكتمال_القمر غير صالح نهائي لاي عملية جراحية..توقيع عقود حفلات الزفاف او الخطوبة ولا لانك تاخد قرار حاسم في اي امر مهم ..طاقة للتامل الهدوء مراجعة نفسك وحياتك والامور الروتينية العادية 

الاجواء رومانسية وعاطفية ورغبة في التعرف ع اشخاص جديدة خلال قمر الميزان وعلاقات كتير بيتم حسمها  

تجنبوا الخناق النهاردة تماما الطاقة قوية ومشحونة كفاية والخناقات هتبقي درامية 

ممكن تقصوا اطراف الشعر بغرض علاج التقصف والتساقط هتنبهروا بانه هيطول بسرعة وبشكل صحي جدا  لكن من بكرة متحطش مقص في شعرك ولاخر  الشهر علشان النتيجة هتبقي العكس تماما

#نشرة_اخبار_الكواكب