النهاردة #السبت بيحكمه #زحل وده اللي بيخلي طاقته تقيلة شوية ونحس انه يوم طويل نسبيا  #القمر لسه مكمل في بيته اللي بيحكمه في #السرطان و #الشمس مستقرة في درجة شرفها في #الحمل و #الزهرة في شرفها في #الحوت بس طاقة النهاردة مختلفة تماما عن امبارح لان اتصالات الكواكب النهاردة مش لطيفة  اولا نحاول ع اد مانقدر نتجنب الخلافات والمناقشات الحادة تحديدا في البيت او مع رئيسك في العمل "كويس ان النهاردة اجازة" علشان طاقة الخناقة عالية من امبارح باليل درجة عالية من التشويش والضبابية وبنفتكر الحاجة بصعوبة  وانعدام تركيز فحاولوا تتجنبوا اي مقابلات مهمة علشان متلبخوش.. وارد يحصل لكتير اعطال مفاجأة في العربيات او الموبيلات زحمة من غير اي مناسبة  حالة من الشك والوساوس المرضية والرغبة في انك تدور ع اسرار اللي حواليك وطاقة مراقبة لاكونتات ناس تعرفوهم بغرض تعرفوا بيكلموا مين وهو عامل ايه "بلاش جو المحقق كونان ده علشان بيتقفش ع فكرة"  وارد تظهر مشاكل غير متوقعة بس اهميتها انها ممكن تكشفلكم جانب محتاجين تضبطوه في حياتكم اي عرض صحي مفاجئ متتعاملش معاه باستهتار بالعكس لازم تهتموا لان الزوايا دي ممكن تكشف مشاكل صحية انت اهملتها او متعرفش عنها حاجة وده اكيد خير مش وحش الحساسية هتكون زايدة وتقليب الذكريات العائلية  وذكريات الطفولة الصعبة وتجديد احساسك بالحنين لناس اختفت من حياتك فمتسيبوش نفسكم للدراما   خلي بالكم وانتوا سايقين واحذروا خناقات السواقة النهاردة لسه مشاكل المعدة ممكن تكون زايدة مع ناس من امبارح فتجنبوا الرمرمة  رغم كل الاتصالات التقيلة دي الا ان الصعوبات ممكن تكون كاشفة لامور مهمة في حياتكم  ويظل الروحانية و فرصة التشافي الروحي والنفسي من اي طاقة سلبية شديدة القوة الفترة دي بسبب اقتران #المشتري و #نبتون اللي هكتب عنه في بوست تاني    وكالعادة الطاقة دي طاقة عامة بتاثر ع الناس بشكل متفاوت حسب اتصالات الكواكب دي في خريطتك الفلكية #نشرة_اخبار_الكواكب #قمر847