#القمر لسه مكمل في #الحوت للساعة 3 ونص العصر ولحد الساعة 6 تقريبا فترة #خلو_مسار مينصحش فيها ببداية اي حاجة جديدة ولا قص الشعر ومن بعد 6 القمر هيدخل برج #الحمل يعني الطاقة هتتغير تماما من مود الكسل والنوم للفوقان والهيبرة
#الشمس مقترنة باورانوس في #الثور زاوية فلكية تحمل مفاجات دايما ممكن نشوف قرارات او صفقات اقتصادية كبيرة ع المستوي العالمي او الداخلي ممكن نشوف اخبار غريبة او اكتشافات علمية جديدة ..ع المستوي الشخصي ممكن يظهرلك حقيقة مستخبية او تتفاجئ مفاجئة غير متوقعة ..بيكون رغبة التمرد قوية جدا ع حياتنا او ظروفنا تحت الزاوية وارد نحس اننا عايزين نعمل حاجة مجنونة فاحذروا تتهوروا لتتعوروا
#القمر من امبارح بالليل وهو مقترن بالمشتري #الزهرة #نبتون في #برج #الحوت اقتران مميز جدا ومبيتكررش كتير في #الحوت جو عالي من الروحانية والحدس والاشارات والتجليات ..جو من التسامح والرضا والرغبة في تحسين الذات..احلام ملخبطة لكن لطيفة ..اكيد حاسيين بكسل بس ده هينتهي اخر اليوم الصداع هيزيد بالتدريج من بعد المغرب واللي عنده مشكلة في الاسنان غالبا هتغلس عليه
الطاقات دي مأثرة شوية بالسلب ع طوالع #العقرب و #العذراء
الزوايا الفلكية دي مناسبة جدا للصلح بين المتخاصمين ماعدا فترة خلو المسار ..مشكلة الزاوية دي ع اد ايجابيتها انها بتزود الوهم يعني احتمالية انك تقابل كدابين ونصابين برضه كبيرة..احتمالية انك تتسرع بالاعتراف بمشاعرك او تاخد اي خطوة لاي موضوع تحت تاثير احلامك الوردية واردة برضه فحاول تفكر كويس وتأجل التنفيذ لحد ولادة #القمر الجديد في #الثور هيكون افضل وقت لانك تبدا حاجة جديدة عايزها تنجح او تستمر
????وقت مناسب انك تطالب بديونك او فلوسك المتأخرة عند الناس
????مش وقت مناسب لصبغ الشعر ولا قصه مفيد بس لازالة الشعر
????وقت مناسب للعمليات الجراحية او الحجامة ماعدا اي اجراء خاص بالرجلين
⭐وزي كل نشرة دي طاقة عامة بتاثر ع الكل بشكل متفاوت وملهاش علاقة ببرجك
#نشرة_اخبار_الكواكب
2
-2
