#القمر لسه مكمل في #الاسد ..لكن من الساعة 12 وربع لحد 4 وربع العصر دي فترة خلو مسار اللي زي ماتفقنا قبل كده لا تصلح لتوقيع عقود او بداية اي حاجة مهمة او نشتري حاجة غالية" من امبارح حاسين شوية بتقل كسل شوية اكتئاب واسترجاع مشاعر قديمة ده شوية مكمل النهاردة لحد نص اليوم لان #القمر واقف في وش زحل كتير برضه زايد عندهم وجع العضم الهمدان مشاكل جلدية او حساسية وده تاثير اقتران #زحل #المريخ اللي مطلع عينا وكلها كام يوم ويفك ويريحنا..   نسيبنا شوية من #القمر ونخلينا في الحدث الفلكي النادر اللي اتكلمنا عنه قبل كده وهو #اقتران كوكب #المشتري و #نبتون في برج الحوت وفرصة كونية نادرة للاستشفاء من عقد الماضي او من كل مايمثله بيت الحوت في خريطتك الفلكية يعني لو الحوت البيت الرابع في خريطتك مثلا فانت قادر تستشفي من عقد الماضي والطفولة واحساسك بعدم الامان او اي مشاكل لها علاقة بالام المهم ان النهاردة يوم لانكم تتخيلوا كل الصور الايجابية اللي بتتمنوها لنفسكم وتدعوا بيها وتتجنبوا اي تصور او تفكير سلبي اكتر ناس هتحس بتاثير الطاقة دي عليها #برج_الحوت و #العذراء لكن زي ماقلت تاثير الاقتران ع الكل ملوش علاقة ببرج بس هما هيحسوا بتقل واضح في جسمهم ودماغهم عاملة زي فيلم خيال علمي  وهسيب البوست بتاع الاقتران تحت النشرة علشان معيدش الكلام عنه تاني في حدث تاني مهم وهو خروج  #عطارد من #الحمل ودخوله #الثور لمدة اسبوعين وعطارد هو كوكب مسؤول عن اتصالاتنا وطريقة تفكيرنا ولا حظتم اكيد الفترة اللي فاتت تهور واضح في السواقة وناس بتحدف كلام زي الطوب وتسرع في اتخاذ قرارتنا احيانا ..لمدة اسبوعين بقي ووجود عطارد في الثور الريتم هيهدي كتير هنفكر بتأني ببطئ واضح ..هناخد قرارتنا بشكل اهدي..الطرق نسبيا اهدي    في وجود #الزهرة حاكم #الثور في #الحوت هتلاحظوا الكلام بيكتر عن الاكل وعن الاقتصاد والفلوس وسوق الاوراق المالية ..رغبة كبيرة في الشرا لاي حاجة ملهاش تلاتين لازمة وتحديدا شرا اللبس او مواد التجميل او الاكل .. لفترة دي فترة حظوظ قوية لبرج الثور ع المستوي المادي ياريت يقدروا يستغلوها.. طول فترة وجود #الزهرة في #الحوت وقت مناسب لاي اجراء تجميلي وشراء اي حاجات تخص البيت او مواد تجميل "ماعدا فترات خلو المسار طبعا" في حاجات كتير من الماضي هترجعلكم الفترة دي او بدات ترجع بالفعل خلال الكام يوم اللي فاتوا سواء مشاعر ايجابية او سلبية نحية اشخاص او نحية نفسكم ..دي فترة مهمة جدا تراجعوا كل الفرص اللي ضيعتوها والفرص المزيفة اللي كان لازم تضيعوها علشان الفترة الجاية هتتفاجؤوا باسرار كتير بتنكشف قصادكم وامور بتوضح في عنيكم كأنكم كنتوا مخبوطين ع دماغكم وفوقتوا   النهاردة ادعوا "تحديدا من الساعة 12 ل 1 الضهر"وانتم متأكدين ان كل الامور مهيأة للاجابة مش ناقصها غير قوة يقينك انك بتدعي رب قادر يحقق كل المعجزات .. اليوم طاقته تقيلة زي البنج بس ده بسبب فيض الطاقة الكوني اللي حواليكم حاولوا تتجنبوا اي خلافات او خناقات او اي طاقة سلبية تاثر عليكم  واحذروا الوهم والاحتيال والنصب والخداع  والهلاوس علشان قوة تاثيرهم برضه قوية النهاردة الناس المتعافين من الادمان او اللي بطلوا ادوية نفسية او سجاير او ادمان اي من اي نوع انا عارفة انهم يومين صعبين عليكم بس انتوا اقوي ..ويومكم حلو     وكالعادة دي طاقة ع الكل ملهاش اي علاقة ببرج حضرتك علشان الكواكب بتاعتنا كلنا  #نشرة_اخبار_الكواكب