#القمر لسه مكمل في #العذراء ..طاقة الهوس بالتنظيم و التنضيف والرغبة في انك تعمل اعمالك الروتينية والوساوس الخاصة بالصحة مستمرة
حساسية العيون مشاكل #الجهاز_العضمي الحساسية الجلدية والم العظم اللي كان زايد معاكم خلال الكام يوم اللي فاته هيهدا من بكرة ان شاء الله
#الطاقة النهاردة حاجة شبه #الكنافة بالجمبري بالضبط لا هي حلو ولا حادق حاجة اخر تشويش ولخبطة واكيد احلامكم #خيال_علمي عبيط وحاجات بتجري وراكم وناس لقت نفسها في امتحان او ماشية حافية او مش لاقية هدومها...عااااادي جدا كله لخبطة لا يعول عليها
#الطاقة الواضحة من امبارح والنهاردة هي الخوف القلق والتوتر ..مخاوف داخلية وماسكين نفسكم تنفيض زي تنفيض سجاد العيد..مرضي #الاكتئاب تحديدا انا عارفة ان البانيك اتاك زايدة معاكم وهتزيد شوية النهاردة بس انتوا جامدين اوي
ع اد مايبان الطاقة تقيلة وضبابية وكلها خناقات مع النفس ومع اللي حواليك لكنها طاقة كاشفة جدا ومهمة انها تكشفلك وتعريلك مشاكلك الداخلية لاني زي ماقلتلكم ده فرصة كونية لن تتكرر للاستشفاء الداخلي واللي هتزيد قوتها لما يدخل #المريخ #الحوت بكرة ان شاء الله
احذروا الافراط في اي شئ هتحسوا برغبة زايدة في الاكل في التدخين في الكافيين في حاجة ..طاقة الادمان لاي شئ عالية والمتعافين من الادمان واللي مبطلين سجاير عدوا اليومين دول ومفيش انتكاسة هتقدر عليكم بعد كده
احذروا #النصب والمتلاعبين بالكلام #الطاقة ضبابية جدا وميل لانك تضخم الامور وتلونها وردي فالجو مناسب لاي حد يعملكم البحر طحينة او يشربكم حاجة اصفرة فخليكم كبار وعاقلين
متعتمدوش ع حدسكم النهاردة اسمعوا الكلام وفكروا فيه واجلوا انكم تاخدوا قرارت
جو مناسب لانتشار الاشاعات والاوهام والسمكة اللي بديل كلب فخليكم واعيين ومتتجروش ورا اي هبد او اشاعات
مشاكل صحية متنوعة بتظهر عند كتير من امبارح والنهاردة اغلبها بسبب التوتر والقلق وهتعدي ان شاء الله
وارد حدوث خناقات في الشغل في البيت مع المحيطين واغلبها هيبقي بلا سبب واقعي وبسبب سوء الفهم وتضخيم المواضيع فخليكوا عاقليين وواعيين لده علشان متندموش
عندكم رغبة كبيرة في الانعزال ومراجعة نفسكم وحياتكم ..ده كويس بس من غير ضرب طبطبوا ع نفسكم واتسامحوا معاها علشان تساعدوها تتشافي وتتعافي
احذروا التهور وردود الفعل الغشيمة وخلوا بالكم تاني وانتوا سايقين الجو مرشوش بنج وهتحسوا بقلة تركيز وتقدير للمسافات
واقسم بالله دي طاقة عامة بتأثر ع الكل بشكل متفاوت ملهاش اي علاقة ببرجك وجو حظك اليوم
2
-2
